Proveb 19:2 - Buka Blahi Ka Cheke Holo

² Te theome laseni na, iagho thosei nananga. Te nananga iagho na, iagho na tei fajafra.

Proveb 19:2 Iomraidhean Croise

Fapea Kings 4:39

Aonu kaisei mae profet tei mata ne hiro khuromu mala nhaꞌa lao ka susupu na. Eghuteuna mana tei ne filoni kaisei gnarho te au kmana sisigna. Mana hata sisi igre duduki ka pohe na, eghuteuna vuivuri lao ka suspen biꞌo na. Nu theo kaisei mae ka mare te laseni ne poesen sisigna gnarho igne teuna.

Thoutonu Eigna Mae Job 31:5

“Iara theome leghuni puhigna mae te boho ka chaichaghi na, eghuteuna iara theome lase chaghi ka ihei.

Proveb 1:16

Naugna leuleghu fata na mare magnahagheni fara te mala eni puhi te diꞌa na. Eghuteuna thiꞌadire kaikaliti mala falehe naikno.

Proveb 10:21

Nogna cheke naikno te doglo na toghodi kmana naikno. Nu naikno te theome autagna gaoghatho te keli na, ginauna lehe, naugna nagnafagna na thono diꞌa fara.

Proveb 14:29

Mae te theome ghosei te diꞌatagna na, mana lalase fara. Mae te ghosei te diꞌatagna na, mana fameomekro fara.

Proveb 21:5

Mae te loku heta na, ginauna dedei, mae te loku nananga kolho na, mana ginauna kuma.

Proveb 25:8

Kate filoni iagho glepo te diꞌa na, iagho thosei faghose tei ka fate mala cheke fajiflani glepo igne. Glahu keha mae na chekeni ne jafra iagho teuna, eghuteuna iagho ginauna na mamaja nou.

Proveb 28:20

Ihei te loku heta te mala ghosei te dedei na, God ginauna theome toghoni mana. Nu ihei te leghuni puhi te doglo na, God ginauna fablahini mana.

Proveb 28:22

Mae te loku famaku nogna glepore, mana tangomana te loku heta fara te mala ghosei te dedei na, mana theome laseni nate thono kuma fara ginauna.

Proveb 29:20

Jame te filoni iagho mae ihei te cheke faghoeghose kolho na, mae te fameomekro na au nogna groronu te mala atha gaoghatho te keli uluni nafnata mae igne.

Eklesiasti 12:9

Mae velepuhi te lalase igne neke farirhiudi naiknore unha te lasedi manare. Mana hirodi nei faghiladi neku cheke te ninhigrana igre glahula tutuani ba theo.

Eklesiasti 7:9

Theome keli te ghosei te diꞌatamu iagho na. Naugna tuana nogna puhi mae te fameomekro.

Profet Isaia 27:11

Kate kafe lehe te khoko soru pari gregedi gaju igre na, goro gaꞌasere ginauna mei uge mala nodi gaju. Lord neke toghodi naikno te au ka namono igne, nu naugna mare ne theome filo glanini mana, mana ginauna na theome kokhonidi nei keli ranghidi eghu mare.

Profet Isaia 28:16

Nu Lord God ne cheke eghu, “Gognarona iara na lilisei kaisei thina maku te theo ka nghaligna agne Jerusalem. Ka narane te babana iara nogu suga na, iara na lilisei kaisei thina pari mala sutu haghegna suga igne. Ihei te rouronu ka iara mae ihei teke lilisei gna thina igne na, mana ginauna theome tangomana te nghali na.

Profet Hosia 4:6

“Uve, iara ginauna paradi nogu naiknore, naugna naikno igre ne theome filo glani ghau iara te nodi God mare na. Eghuteuna ghotilo mae pris ra, jaola tiromi fanomho nei leghudi eghu nogu farirhiu iara re. Naugna igne, iara theome magnahaghei ghami ghotilo mae pris igre. Eghuteuna iara jaola theome magnahagheidi thumi nalhaꞌu ghotilore te mala nogu mae pris iara na.

Jone 16:3

Mare ginauna edi glepo igre ka ghotilo naugna mare theome lase ghami ghepa mae Mama.

Letas Teke Riso Tei Mae Pol Ka Khiloau Rom 10:2

Iara lasedi, mare thofno fariuriu fara te mala leghuni God na, nu mare theome raꞌe laseni puhi te doglo na neu.

Filipae 1:9

Iara tarai ghami ghotilo mala kotu biꞌo ghotilo nomi namha na ranghidi kherami fofodure ka nogna puhi nei nogna glalase eghu God.