Proveb 19:16 - Buka Blahi Ka Cheke Holo

¹⁶ Mae te leghuni nogna vetula Lord na, ginauna au raugha. Nu mae te tirogna nangani nogna cheke mana na, ginauna lehe.

Proveb 19:16 Iomraidhean Croise

Thoutonu Eigna Mae Job 5:2

Puhi te diꞌanagnafa na ginauna faleheni mae te fameomekro na. Eghuteuna gaoghatho goghotu na ginauna faleheni ihei te theome lalase na.

Proveb 13:13

Mae te theome fanomho na, mana ginauna khale ka puhi. Mae te fanomho na, ginauna atha glepo te keli.

Proveb 15:32

Mae te thodo hiohiro na, mana thodoni thegna. Nu mae te magnahaghei fanomho na, nogna glalase na ginauna keli fara.

Proveb 16:17

Nogna nabrou naikno te keli na theome namo ka puhi te diꞌa na. Mae ihei te filo fakeli ka nabrou na, mana tangomana te fakarhini nakarhagna na.

Proveb 21:16

Mae te snivi ka nabrou te mala hata gaoghatho te keli na, ginauna tei au baludi naikno teke lehe tifa ra.

Proveb 21:23

Ihei te ghaoghatho fakeli ka nogna cheke na barani thegna ka puhi biꞌo.

Proveb 22:5

Nakarhagna mae te diꞌa na jateula nabrou te thafru ka phono nei phighoro teuia eghu. Nu mae te reireghi fakelini nakarhagna na, au fakhaba ka nafnata nabrou igne.

Proveb 29:18

Jame te theome leghuni naiknore chekegna Lord na, mare ginauna edi thua nafnata puhi te theome doglo. Nu jame te leghuni nogna vetula Lord na, naiknore ginauna glealeꞌa fara.

Proveb 3:1

Thuguo, thosei ghatho ihodi nogu farirhiu, nei nogu cheke teu iara ra.

Eklesiasti 12:13

Iagho la nomhidihi cheke te gnafa igre, eghume igne nogu cheke farirhiu leghu lahu iara: Ghatho tahuni God eghuteuna leghudi nogna cheke manare, naugna igne unha te mala eni tahati na.

Eklesiasti 8:5

Ihei te leghuni nogna cheke king na, king ginauna na theome eni kaisei puhi te diꞌa ranghini mana, eghuteuna mae ihei te autagna gaoghatho te keli na laseni thofno narane te mala fadoglidi glepo igre.

Profet Jeremaea 7:23

Nu iara neke cheke faheta eghu ka mare, ‘Jame fanomho fakeli ghotilo ka iara, nei leghu fakelidi ghotilo gobigna lepo te chekedi iara igre meuna, iara ginauna nomi God ghotilo eghuteuna ghotilo nogu naikno iara. Eghuteuna iara ginauna tusu ari nakarha te keli ka ghotilo.

Matiu 16:26

Jame kaisei mae khotodi gobigna lepo fateo kau nauthoglu igne, eghuteuna lisa laoni thofno nakarhagna na teuna, ba gobigna lepo fateo igre ginauna na toghoni mana? Thono theo fara! Nu unha gne nate tusu lao mana mala teke hata fapuloni nakarhagna na? Thono theo fara!

Luku 10:28

Mae Jisas ne cheke eghu ka mana, “Uve, nou cheke tughu iagho igne doglo fara. Te eni iagho igne na, iagho ginauna hatini karha fei tifa na.”

Luku 11:28

Nu mae Jisas ne cheke eghu, “Theo, iheire te nomhini chekegna God na, nei iheire te eni unha te chekedi mana re eghu ngala te tangomana te gleale'a na.”

Jone 14:15

Mae Jisas ne cheke eghu ka nogna mae fanomhore, “Uve, jame te namha ghau iara tutuani ghotilo na, ghotilo leghudi koba nogu cheke iara gre.

Ululahu Korin 7:19

Naugna te vahe ba te theome vahe na theome glepo ulu. Glepo te ulu na te leghuni ngala nogna vetula God na.

Ululahu Jone 3:22

Eghuteuna tahati na hata ka mana unha teke toreni. Naugna tahati leghuni nei eni unha te keli tagna mana.

Ululahu Jone 5:3

Namhani God, gaoghathogna na leghudi nogna vetula, eghuteuna nogna vetulare theome ninhigrana ranghi ghita.

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.