Proveb 19:13 - Buka Blahi Ka Cheke Holo

¹³ Mae sitei te fameomekro na, mana goigonini kmagna na. Gaꞌase te faripholai ka khetogna na, naꞌa jateula nakhete ikoi te lulu soru lamna suga ia eghu.

Proveb 19:13 Iomraidhean Croise

Thoutonu Eigna Mae Job 14:19

Jateula khoꞌu te pili fadelei thina biꞌo, nei jateula nakhete biꞌo te haglu koko glose funu ka thogelero, eghu iagho rorhoꞌe nodi grouronu naiknore.

Proveb 10:1

Igre nogna famane cheke king Solomon. Kmagna mae te au tagna gaoghatho te keli na, mana gleale'a fabrahu. Idogna mae te fameomekro na, diꞌanagnafa fabrahu nei tanhi eghu.

Proveb 15:20

Mae sua te lalase na, faglealeꞌadi fabrahu idogna kmagnare. Nu mae sua te fagoigoli tafri na, theome ghatho tahudi idogna kmagnare.

Proveb 17:17

Kheramu iagho na namha nigho iagho fabrahu. Eghuteuna thabusimu na togho nigho ka vido te ninhigrana.

Proveb 17:21

Mae te fameomekro thugna na, diꞌanagnafa fabrahu. Kmagna mae te fameomekro na, theome gleale'a.

Proveb 17:25

Sua te fameomekro na, mana fadiꞌa nagnafani fabrahu kmagna na. Eghuteuna fatanhini idogna teke fakarhini na.

Proveb 21:19

Te keli na iagho au fabrahu ke lamna namono nagou na, uluni te au iagho balugna khetomu te diꞌatagna nei fapholai teu fabrahu ana.

Proveb 21:9

Te keli na iagho tei au sopa fabrahu ke parigna gaju biꞌo te famane jemnu na, uluni te au iagho lamna suga balugna khetomu te fapholai fabrahu na.

Proveb 25:24

Te keli na iagho tei au kosi ke parigna gaju biꞌo te famane rifu na, uluni te au iagho lamna suga balugna khetomu te khuru fapholai fabrahu na.

Proveb 27:15

Gaꞌase te fapholai fabrahu ka khetogna na, jateula nakhete ikoi te theome ghosei te aho ra eghu.