Proveb 19:12 - Buka Blahi Ka Cheke Holo

¹² Mae funei te diꞌatagna na, mana jateula lion te fangangara ra eghu. Nu mae funei te gleale'a na, mana jateula famane nakhete te soru mei ka nagare ra eghu.

Proveb 19:12 Iomraidhean Croise

Jenesis 27:28

Iara toreni God mala snakre mei nakhete ka maloa gne mala soru mei mala fabuabublani u glose gne mala bruara gano mana ka nou nagare iagho gre. Iagho ginauna na kmana gheu wit nei waen.

Fapea Samuel 23:4

king igne jateula naprai te thakle haghe hamerane ra eghu. Mana jateula naprai te phae kate aho nakhete, te kotu haghe buburu ra eghu.’

Nogna Buka Esta 1:12

Nu kate tei cheke mare na, naꞌa ne tirogna te mei filoni king. Aonu kate nomhini igne, king ne thono diꞌatagna fara ka puhi te eni naꞌa igne.

Nogna Buka Esta 7:8

Kate pulo mei king funugna ka nagare sisi na, mana ne filoni mae Haman te khoko soru ke kligna sape te gnokro teu Esta na. Mana magnahaghei te toreni Esta mala kokhonini. Nu king filoni mana ne eha eghu fabiꞌo, “Tore, mae igne magnahaghei te tapla jafra ka Kuin kate filo teu iara na!” Kate cheke te gnafa king na, nogna mae gloku manare mei ne toku tafru tathagna nei foflogna teu mae Haman re mala laseni eigna mana nate lehe na.

Nodi Khoje Hatimare Mae Jiu 133:3

Puhi te kaisei gaoghatho ngala tahati te au fodu igne thofno keli fara, eigna jateula nabubla teke soru mei ke kligna Thogele Hemon nei Thogele Saion teu ra eghu. Jare ka namono Saion, Lord ginauna fablahi ghita tahati nogna naiknore, eghuteuna tahati ginauna au fakeli noda fabrahu tifa tifa.

Nodi Khoje Hatimare Mae Jiu 72:6

Te keli na jame mana mala thofno keli fara jateula nakhete te soru ka nagare te kotu fakeli gano ra eghu.

Proveb 20:2

Diꞌatagna mae funei na jateula lion te fangangara ra eghu. Te faꞌeiꞌei iagho te diꞌatagna mana na, iagho ginauna lehe.

Proveb 28:15

Mae lida gna kantri te eni puhi te diꞌa na, eghuteuna tapla faparidi naikno te kumare teuna, mana jateula lion te rofo fara, ba jateula bosu mata te chari te mei ra eghu kolho.

Eklesiasti 8:4

Naugna king au nogna nolaghi, eghuteuna tahati theome tangomana te cheke eghu ka mana na, “Unha site eni iagho ignea?”

Profet Isaia 18:4

Igne unha te chekeni Lord na, “Iara ginauna au kmu ka namonogu na mala filo soru jateula naprai te agha soru fari hotei aublatha ra eghu. Eghuteuna iara ginauna na theome fasalaꞌuni kaisei ka ghotilo jateula nakhete bongiro te soru heva heva ka vido te gnafa ka nauthoglu igne ra eghu.”

Profet Daniel 5:19

Mana neke kaisei mae biꞌo fara. Eghuteuna naikno ka kantri te gnafa, ka kokholo te gnafa nei ka cheke te gnafa teu igre neke mhaghuni mana. Jame te magnahaghei faleheni ihei na, mana ginauna faleheni naikno tuana. Jame te magnahaghei fakarhini ihei na, mana ginauna fakarhini naikno tuana. Mana au nogna nolaghi te mala nhaꞌa hagheni ihei, ba te mala nhaꞌa faparini ihei.

Profet Daniel 6:24

Aonu mae king ne cheke ka nogna mae glokure mala hata meidi mae iheire teke fateni mae Daniel ra. Aonu mare hata ne mei mae igre baludi khetodi nei thudi teure mala koko soru ka khora lion igne. Naikno igre theome tei thoke neu pari ne hui ka lion.

Profet Hosia 14:5

Iara ginauna nake toghodi mala ke au fakeli mare jateula nakhete te soru ke kligna glose teke keli fapulo glose te moja na ia eghu. Mare ginauna na jateula famane sisi eghu. Uve, mare ginauna na kegra haghe jateula gaju sida gna Lebanon te soru pari lamna glose glathigna ia eghu.

Profet Maeka 5:7

Naoka re neke uludi naiknodi Israel neke hatadi neke tei ka keha kantri te khaba fara igre, naikno igre ginauna te au ka kmana kantri. Tutuani, mare ginauna tei au heva heva jateula nabubla bongiro, ba nakhete ikoi teke kuru mei Lord mala famane kotu gano. Eghuteuna naiknore ginauna rouronu kolho ka God theome ka kaisei naikno, theo!

Diutronomi 33:28

Eghume ghotilo Israel ginauna au ka pharikeli. Eghuteuna nomi namono ghotilo ka vikegna mae Jekop ra na au fakeli. Nomi glose ghotilo are ginauna au kmana gano nei waen, eghuteuna leuleghu fata na nakhete fabrahu.