Proveb 19:11 - Buka Blahi Ka Cheke Holo

¹¹ Mae te autagna gaoghatho te keli na, mana theome tangomana te ghosei te diꞌatagna na. Eghuteuna mana theome ghathoni najafra teke eni keha mae na ranghini mana na.

Proveb 19:11 Iomraidhean Croise

Fapea Kings 5:12

Jauna phei khoꞌu biꞌo Abana ghe Fapa Damaskas igre ne thofno keli fara salaꞌudi khoꞌudi Israel igre neu sia! Ne faꞌunha site theome tangomana iara te apu ka phei khoꞌu igre mala teke gnafa fogra ignea?” Aonu mana diꞌatagna fara neke pulo ka nogna suga na.

Proveb 11:13

Iagho thosei fatutuanini ihei te toutonu tafri na. Nu iagho fatutuanini kolho ihei te au kmu na.

Proveb 12:16

Mae te fameomekro na ghosei diꞌatagna. Nu mae te doglo na, theome nanga nogna ka cheke te diꞌa na.

Proveb 14:29

Mae te theome ghosei te diꞌatagna na, mana lalase fara. Mae te ghosei te diꞌatagna na, mana fameomekro fara.

Proveb 15:18

Mae te ghosei te diꞌatagna na, mana faꞌeiꞌei puhi. Nu mae te thoghei te taegoni naikno na, naiknore na au ka pharikeli.

Proveb 16:32

Mae te theome ghosei te diꞌatagna na, mana nheta salaꞌuni mae soldia te nheta fara na. Mae te saghe leghuni diꞌatagna na, mana keli fara salaꞌuni mae ihei te magra heta te uluni kaisei namono biꞌo na.

Proveb 17:14

Fufunu gna faripholai na jateula khoꞌu te jifla mei ka khora ikoi ka baket ra eghu, fakhusuni ame khora biꞌo nga baket na nei ame biꞌo nga magra na eghu.

Proveb 20:22

Iagho thosei ghaoghatho mala ke tughu fapulo najafra teke eni ranghi nigho keha mae na. Theo. Iagho fatutuani ka Lord te mala togho nigho na, eghuteuna mana ginauna fakarhi nigho ka puhi biꞌo igne.

Proveb 20:3

Naiknore ghatho tahu nigho jame te theome magra iagho na. Nu naikno te fameomekro na kolho te ghosei te magra na.

Proveb 25:21

Jame te rofo nou naoka iagho na, iagho faghamuni. Jame te rogna koꞌu mana na, iagho fakoꞌuni.

Proveb 29:11

Mae te fameomekro na fakakhana fara diꞌatagna na, nu mae te autagna gaoghatho te keli na saghe leghuni diꞌatagna na.

Efesus 4:32

Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Jemes 1:19

Kheraguro, ghaoghatho fakeli ghotilo ia. Te keli na ghotilo kulu fanomho fakeli ghu ame funu cheke nga nei diꞌatami nga eghu ka keha naiknore.