Proveb 19:1 - Buka Blahi Ka Cheke Holo

¹ Mae te kuma, nu doglo nakarhagna na teuna, mana thofno keli fara uluni mae te fameomekro na balugna nogna cheke te diꞌa na.

Proveb 19:1 Iomraidhean Croise

Nodi Khoje Hatimare Mae Jiu 26:11

Nu iara theome jateula naikno te diꞌa tuare eghu, naugna iara eni unha te keli na. Kokhoni ghau nei fakarhi ghau eghu iara sagho!

Nodi Khoje Hatimare Mae Jiu 37:26

Leuleghu fata na mana tufa glepo koba ka keha naiknore ka nagnafa te lolokeli. Eghuteuna mana thono keli tagna fara te au thugna na. Naugna God neke tusu lao sua igre ka mana.

Proveb 12:26

Mae te doglo na ginauna batuni kheragna na. Nu mae te diꞌa puhigna na, ginauna batu fajafradi naiknore.

Proveb 14:2

Naikno te leghuni puhi te doglo na, naikno igne ghatho tahuni Lord. Nu ihei te leghuni puhi te chaichaghi na, Lord na theo nafugna kolho ka nagnafagna mana na.

Proveb 15:16

Mae te theome au nogna kmana glepo, nu ghatho tahuni Lord teuna, nakarhagna mae igne uluni nakarhagna mae ihei te au nogna kmana glepo, nu mana au puhi biꞌo ka nakarhagna na.

Proveb 16:8

Mae te hata sileni ikoi kolho, eghuteuna leghuni puhi te keli na teuna, nakarhagna mae igne uluni nakarhagna mae te dedei nei diꞌa puhigna na teuna.

Proveb 19:22

Naiknore magnahaghedi keha naiknore te mala thofno leghuni unha teke nhaꞌa cheke ni na. Tutuani, jame te mae keli mae te kuma na, mana ginauna uluni mae te chaichaghi na.

Proveb 20:7

Mae te leghuni fabrahu puhi te doglo na, God ginauna fablahidi thugna mana re.

Proveb 28:6

Mae te kuma nu leghuni puhi te doglo na teuna, mana keli fara uluni mae dedei te leghuni puhi te diꞌa na.

Proveb 4:24

Iagho thosei cheke chaichaghi nei cheke diꞌa eghu, iagho chekeni kolho cheke te tutuani na.

Profet Isaia 59:3

Ghotilo naikno mala chaghi nei mala cheke diꞌa eghu! Ghotilo naikno mala magra nei mala falehe naikno eghu!

Matiu 16:26

Jame kaisei mae khotodi gobigna lepo fateo kau nauthoglu igne, eghuteuna lisa laoni thofno nakarhagna na teuna, ba gobigna lepo fateo igre ginauna na toghoni mana? Thono theo fara! Nu unha gne nate tusu lao mana mala teke hata fapuloni nakarhagna na? Thono theo fara!

Ululahu Samuel 25:17

Iara magnahaghei nigho iagho te ghatho fakelini igne. Naugna puhi te eni mana igne ginauna fadiꞌani mae biꞌo igne nei jaola fadiꞌa ghita tahati hui. Mae igne thono fameomekro fara theome fanomho ka ihei.”

Ululahu Samuel 25:25

Iagho those ghathoni Nabal, mae igne theome ghatho tahuni ihei. Iagho laseni, nangha Nabal teu igne gaoghathogna na, ‘Fameomekro.’ Eghume, puhigna na nanaba fara ka nanghagna thegna na. Funei, iara neke theome au kani teke mei nou mae majaghani iagho ra.