Proveb 18:6 - Buka Blahi Ka Cheke Holo

⁶ Nogna cheke mae te fameomekro na mala faripholai ka keha mae na. Eghuteuna kate nomhini mare nogna cheke manare, mare magnahaghei te magrini mana.

Proveb 18:6 Iomraidhean Croise

Proveb 12:16

Mae te fameomekro na ghosei diꞌatagna. Nu mae te doglo na, theome nanga nogna ka cheke te diꞌa na.

Proveb 13:10

Mae te fahaehaghe na, mae mala magra nei fapholai eghu. Nu mae te fanomho ka farirhiu na, mana mae glalase.

Proveb 14:16

Mae te autagna gaoghatho te keli na, mana au fadelei ka puhi biꞌo. Nu naikno te fameomekro na, theome filo fakeli, eghuteuna ghosei thokeni puhi biꞌo.

Proveb 14:3

Nogna cheke mae te fameomekro na jateula grojo eghu mala fada faleheni thegna ka tathadi naiknore. Nu nogna cheke mae te autagna gaoghatho te keli na toghoni thegna mala au fakeli.

Proveb 17:14

Fufunu gna faripholai na jateula khoꞌu te jifla mei ka khora ikoi ka baket ra eghu, fakhusuni ame khora biꞌo nga baket na nei ame biꞌo nga magra na eghu.

Proveb 19:19

Mae te ghosei te diꞌatagna na, mana ginauna au ka puhi biꞌo fabrahu. Jame te ghosei te fadoglini iagho puhi biꞌo igne na, iagho ginauna eni fabrahu igne.

Proveb 19:29

Ihei te cheke diꞌa nei fahaehaghe teuna, mana ginauna au papara. Mae te fameomekro na ginauna soru khodo ka thagru na.

Proveb 20:3

Naiknore ghatho tahu nigho jame te theome magra iagho na. Nu naikno te fameomekro na kolho te ghosei te magra na.

Proveb 22:10

Ki teini mae te magnahaghei cheke fadiꞌadi keha mae na. Faripholai na ginauna gnafa, magra na ginauna gnafa, eghuteuna cheke diꞌa na ginauna gnafa.

Proveb 25:24

Te keli na iagho tei au kosi ke parigna gaju biꞌo te famane rifu na, uluni te au iagho lamna suga balugna khetomu te khuru fapholai fabrahu na.

Proveb 27:3

Thina ghe nusu re tahu fara, puhi biꞌo te eni mae te fameomekro na thono tahu fara salaꞌui.

Proveb 29:9

Jame mae te autagna gaoghatho te keli na athani mae te fameomekro na ka fate, mae te fameomekro igne na theome au kmu, nu mana na cheke faparini nei naghoni eghu kolho mana. Eghuteuna theo kaisei pharikeli jare na.