Proveb 18:22 - Buka Blahi Ka Cheke Holo

²² Kate deni iagho gaꞌase te mala tolaghi na, iagho deni kaisei glepo te keli. Igne kaisei fablahi Lord te falalase ka iagho na.

Proveb 18:22 Iomraidhean Croise

Jenesis 2:18

Aonu Lord God ne cheke eghu, “Theome keli mae igne te au sopa thegna na. Iara ginauna na vuavuha kaisei kheragna mana mala toghoni mana.”

Jenesis 24:67

Aonu mae Isak hatani Rebeka ne tei ka suga tapuale teke au Sera na, idogna mana tifa na, ne tolaghi ka naꞌa. Mae Isak ne namhani fara Rebeka neke keli nagnafagna fara ke leghugna teke lehe idogna na.

Jenesis 29:28

Aonu mae Jekop ne leghuni cheke igne ne thuru balugna Lea u wik tuana. Ke leghugna igne mae Laban ne snakre laoni ka mae Jekop Resel na mala khetogna mana.

Proveb 12:4

Gaꞌase te famane puhigna na, jateula nogna nafnakno eghu khetogna na. Nu puhigna naꞌa te diꞌa na, jateula fogra biꞌo eghu ka khetogna na.

Proveb 19:14

Ido ghe mama tangomana te tufa suga nei sileni ka thudi na. Nu kaisei Lord kolho te tufa gaꞌase te keli na.

Proveb 3:4

Jame te eghu iagho na, God ginauna keli tagna ka iagho, eghuteuna naiknore ginauna jaola keli tadi ka iagho.

Proveb 8:35

Mae ihei te dei ghau iara na, mana ginauna hatini nakarha te keli na, eghuteuna Lord na kelitagna fara ka mana.

Eklesiasti 9:9

Neuba nakarha igne ne theo nafugna ka gaoghathomu iagho na, God neke tusu ari ka iagho. Eghume leuleghu narane na, iagho mala gleꞌani nakarha igne balugna khetomu te namhani fara iagho na. Fablahi igne te mala eni iagho ka nakarha te theo nafugna ka gaoghathomu iagho na, nei ka gloku biꞌo te edi iagho ka nauthoglu igne.

Profet Hosia 12:12

Tifa na kuꞌeda mae Jekop ia neke rikha neke tei ka namono Mesopotemia. Ka namono igne mana neke reireghi sipu. Mana neke eni gloku igne mala tolaghi ka thugna gaꞌase mae ihei teke khotodi sipu igre.

Ululahu Korin 7:2

Nu naugna kmana naikno gnognoro fara, eghume jame te keli na mae nalhaꞌu te gnafare nabagna te hata khetogna thegna, eghuteuna gaꞌase na jaola hata khetogna langau thegna.

Thoutonu Eigna Rut 4:10

Eghuteuna Rut, thaugna Moab teke lehe kokoni mae Malon ia kela khetogu hi iara gognaro na, mala ke au sua Rut ke au nanghagna mana mala ke atha kasa teke nogna vido glose mana re. Eghume nanghagna mae ihei teke lehehia ginauna na theome luvu ka tathadi mae kheragnare, ba ka tathada tahati te hui kau namono igne. Ghotilo te gnafa na mae igre la filonihi unha te eni iara gognaro gne.”