Proveb 18:12 - Buka Blahi Ka Cheke Holo

¹² Jame mae te fahaehaghe te pala hagheni nanghagna thegna, ke leghu na ginauna krofu pari. Iagho theome naba te hata nangha biꞌo na jame te theome kulu nhaꞌa fapari nigho themu na.

Proveb 18:12 Iomraidhean Croise

Ululahu Kings 3:7

“Lord, nogu God, iagho neke vahi ghau iara mala hata sapegna mae kmagu. Nu iara jateula sua eghu theome tangomana te funei frunidi naiknore.

Proveb 11:2

Naikno te pala hagheni nanghagna thegna na, ginauna thokeni mamaja biꞌo. Nu naikno te autagna gaoghatho te keli na nhaꞌa faparini thegna.

Proveb 15:33

Mae te ghatho tahuni Lord na, mana leghuni nabrou te mala hata famane gaoghatho te keli nei glalase. Te theome nhaꞌa fapari nigho iagho themu na, iagho na theome fnakno nanghamu na.

Proveb 16:18

Fahaehaghe na mei ului, puhi biꞌo na mei ke leghu. Patugama na mei ului, uka na mei ke leghu.

Proveb 29:23

Naiknore ghatho tahuni mae ihei te nhaꞌa faparini thegna na, mae te fahaehaghe na ginauna mamaja nogna fara.

Profet Esikiel 28:2

“Maegna ka nauthoglu. Cheke ranghini mae funei gna Taea iara Lord God te cheke igne: Iagho kaisei mae fahaehaghe fara cheke eghui, ‘Iara jateula kaisei god eghu, eghuteuna iara gnokro ka chea ka nogu nolaghi, aheva thongna te faligoho ghau iara. “ ‘Nu neuba iagho ne cheke eghu, iara jateula kaisei god eghu sia neu, iagho kaisei maemu ka nauthoglu igne kolho, eghuteuna iagho theome kaisei god.

Profet Esikiel 28:9

Jame te kegra iagho ke uludi mae iheire nate falehe nighore, iagho ginauna tangomana nate chekeni te iagho kaisei god na? Ghema, iagho naikno kolho, iagho theome kaisei god.

Profet Esikiel 29:9

Uve, Ijep gne ginauna na kaisei namono nagou kolho, eghuteuna theo kaisei naikno nate au tagna na. Eghume mare ginauna thofno laseni te iara Lord. “ ‘Iagho cheke eghu, “Khoꞌu biꞌo igne nogu iara! Iara neke eni malagu thegu!”

Profet Daniel 9:20

Kate tarai na, iara ne cheke thakledi nakhibogu te gnafare, baludi nakhibodi nogu naikno iara Israel. Eghuteuna iara toreni Lord, nogu God mala ke babana fapulo nogna Sugablahi na.

Profet Daniel 9:23

Kate funu tarai iagho na, God na la nomhi nighohi. Tuana te meini iara na mala chekeni cheke tughu gna na ka iagho, naugna mana namha nigho iagho fara. Gognarona iagho fanomho fakeli kate rurutha iara gaoghathogna mifi igne.

Luku 14:11

Eghume, mae ihei te nhaꞌa faꞌuluni thegna na, God ginauna nake nhaꞌa faleghuni mana. Nu mae ihei te nhaꞌa faleghuni thegna na, God ginauna nake nhaꞌa faꞌuluni mana.”

Ululahu Pita 5:5

Jateula tuana eghu ghotilo mae majaghani ra, nhaꞌa soru ghami themi ke paridi goro mae biꞌo are. Uve, ghotilo huju fapulo ghami themi ka puhi au faleghu mala fari totoghoi. Naugna grioriso te blahi na cheke eghu, “God theome magnahagheni mae ihei te fahaehaghe na, nu tusu lao khokofakasai ranghini ihei te au faleghu.”