Proveb 17:8 - Buka Blahi Ka Cheke Holo

⁸ Keha naiknore te ghathoni na te tufa sileni keha naiknore na mala atha unha glepo te magnahagheni mare na eghu. Mare te ghathoni na igne ginauna loku leuleghu fata.

Proveb 17:8 Iomraidhean Croise

Jenesis 32:14

Mana ne vavahi phei gobi nanigot gaꞌasedi nei varadaki nalhaꞌudi, nei phei gobi sipu gaꞌasedi nei varadaki nalhaꞌudi.

Jenesis 32:21

Aonu mae Jekop ne kulu fahata u namha igre ka tothoghei ulu lahu na mala tusu lao ka mae Iso. Nu mae Jekop ne au neu ka grorofe na ka bongi tuana baludi khetogna nei thugna teure.

Jenesis 43:11

Aonu mae Jekop mae kmadi mare na ne cheke eghu ka mare, “Jame te eghu na, ghotilo na eghu agne. Hohono fafodu ka nomi gloi are keha gano te ulu fara ka namonoda tahati gne mala hata tei e namha ka mae funei na. Keha meresin, keha jurukuli, keha mur nei phei nafnata sitha te kiloni mare pistasio nei almond eghu.

Nodi Khoje Hatimare Mae Jiu 18:16

Lord na au neu kligna ne ngafa soru ne hata fapulo ghau iara kau karha. Kate plulu iara ka nhorora na mana ne loku ka phei khamegu iara re ne korho haghe ghau iara.

Nodi Khoje Hatimare Mae Jiu 19:6

Naprai na phage haghe ka keha philegna maloa na tei plulu ka keha philegna maloa na. Eghuteuna theo kaisei glepo te rikhani nabranagna na.

Nodi Khoje Hatimare Mae Jiu 21:13

Lord, ghehati nabami te pala hagheni nanghamu iagho na, eigna nou nanheta biꞌo iagho na. Ghehati ginauna na koje fafnakno nigho eigna nou nolaghi biꞌo iagho na.

Nodi Khoje Hatimare Mae Jiu 29:4

Chekegna Lord na thono nolaghi fara. Naiknore nomhini te cheke fabiꞌo Lord na ne mhaghu nodi fara.

Eksodas 23:8

“Iagho thosei atha sileni ka ihei te magnahaghei nigho iagho te mala cheke chaichaghi ka fate na, naugna sileni igne ginau na fadofu nigho iagho mala theome filo glani iagho unha te doglo na. Nafnata sileni igne mala cheke chaichaghi ngala naikno te keli na.

Proveb 17:23

Mae fate te diꞌa na, hata unha te tusu poru tagna na, eghuteuna ka fate na mana ginauna goigonini mae te doglo na.

Proveb 18:16

Jame te magnahaghei mei filoni iagho kaisei mae biꞌo na, iagho hata mei kaisei namha ka mana, mana ginauna kelitagna te mei iagho te filoni mana na.

Proveb 21:14

Jame kaisei mae diꞌatagna ka iagho, iagho tufa glepo ka mana kate theo kaisei naikno te filo nigho na. Eghuteuna diꞌatagna mana igne ginauna hui.

Eklesiasti 7:7

Jame kegra haghe mae te autagna gaoghatho te keli na te chaghini keha mae na, te eghu na mana jateula mae te fameomekro eghu. Eghuteuna jame te cheke famaemahe te mala hata keha mae na, nagnafagna mana na ginauna jaola diꞌa.

Profet Isaia 1:23

Nomi mae mala baubatu ghotilo igre tirodi leghudi nogu cheke iara re, eghuteuna mare kheradi fofodu mae te blau. Leuleghu fata na mare magnahaghei sileni cheke famaemahe koba. Eghuteuna mare theome toghodi goro sua te glehe kokoi ba goro naikno biꞌo tela lehehi khetodi ra.

Profet Emos 5:12

Iara lase ghami ghotilo, eigna kmana fata ghotilo huhughuni vetula na. Eghuteuna nakhibomi ghotilore thono kmana fara. Ghotilo hata sileni ka naikno te diꞌa puhidire, eigna te mala toghodi mare ka fate na. Eghuteuna ghotilo fakokhoanadi nei chaghidi eghu naikno te kuma re mala theome tangomana mare te chekeni unha te tutuani ka fate na.

Profet Maeka 7:3

Naiknore kafe laseni fara te mala edi glepo te diꞌa re. Mae biꞌore loku fodu mala edi gaoghatho te diꞌa. Leuleghu fata na mae mala baubatu nei mae mala fate teu igre mare famaemahedi naiknore mala chaghidi keha naiknore ka sileni. Mae biꞌo igre huhurudi naiknore mala edi kolho unha te magnahaghedi thedi re.

Diutronomi 16:19

Mare mala theome leghuni puhi te theome doglo na. Mare theome mala phile baludi keha mae kolho. Mare theome mala snakreni ihei mala famaemaheni kaisei naikno mala hata sileni ka mana, naugna puhi te famaemahe igre tangomana te fadofuni mae mala fate neuba mana ne mae glalase, eghuteuna mae mala fate ginauna theome cheke fadoglo ka kot.

Ululahu Samuel 25:35

Aonu mana ne atha glepo teke tufa Abigel igre ne cheke eghu ka naꞌa, “Iagho ke pulo ka pharikeli, thosei nanga nou. Iara ginauna eni unha teke toreni iagho na.”