Proveb 17:19 - Buka Blahi Ka Cheke Holo

¹⁹ Mae te magnahaghei fapholai na, mana magnahaghei nakhibo. Mae te magnahaghei cheke fahaehaghe na, mana magnahaghei puhi biꞌo.

Proveb 17:19 Iomraidhean Croise

Fapea Samuel 15:1

Ke leghugna igne, mae Absalom ne hata kaisei chariot mala magra, nei glima fulu mae mala chari ke ulugna.

Ululahu Kings 1:5

Mae Adonaeja gne thugna King Devet neke karha ka Hagit. Mana neke karha ke leghugna mae Absalom, eghuteuna mana kaisei mae famane fara. Nu mana patugama fara, naugna mae kmagna na theome cheke faheta ka mana mala fadoglini. Mae Adonaeja magnahaghei king ne cheke eghu, “Iara ginauna king.” Aonu mana tarabana chariot nei hose mala magra, eghuteuna mana hata glimafulu mae mala chari ke ulugna ka vido aheva te tei mana na mala reireghini.

Proveb 16:18

Fahaehaghe na mei ului, puhi biꞌo na mei ke leghu. Patugama na mei ului, uka na mei ke leghu.

Proveb 17:14

Fufunu gna faripholai na jateula khoꞌu te jifla mei ka khora ikoi ka baket ra eghu, fakhusuni ame khora biꞌo nga baket na nei ame biꞌo nga magra na eghu.

Proveb 18:12

Jame mae te fahaehaghe te pala hagheni nanghagna thegna, ke leghu na ginauna krofu pari. Iagho theome naba te hata nangha biꞌo na jame te theome kulu nhaꞌa fapari nigho themu na.

Proveb 24:27

Ulu lahu na iagho fadoglini nou glose na mala tobi nagare, eghuteuna ke leghu na iagho horo suga.

Proveb 29:9

Jame mae te autagna gaoghatho te keli na athani mae te fameomekro na ka fate, mae te fameomekro igne na theome au kmu, nu mana na cheke faparini nei naghoni eghu kolho mana. Eghuteuna theo kaisei pharikeli jare na.

Fapea Korin 12:20

Eigna iara nanga nogu mala ari posa ka ghotilo, na eghunu jafra ghotilo ka unha te magnahaghei filoni iara ka ghotilo na eghu. Jame te eghu na, iara ginauna jaola na jafra ka unha te magnahagheni ghotilo na. Kate ari posa iara ka ghotilo na, theome keli te filoni iara ke lamnami te magra, goghotu, diꞌatami faghose, ghatho ghami themi kolho, nhagho, buiburi naikno, fahaehaghe, nei theome au fodu.

Jemes 1:20

Naugna ihei te diꞌatagna na, mana theome tangomana te eni unha te doglo ke ulugna God na.