Proveb 17:17 - Buka Blahi Ka Cheke Holo

¹⁷ Kheramu iagho na namha nigho iagho fabrahu. Eghuteuna thabusimu na togho nigho ka vido te ninhigrana.

Proveb 17:17 Iomraidhean Croise

Fapea Samuel 1:26

Iara tanhi nigho thabusigna Jonatan. Nou namha iagho ranghi ghau iara na thofno biꞌo fara salaꞌuni te namhani gaꞌase na.

Fapea Samuel 15:21

Nu mae Itai ne cheke eghu ka mae Devet, “Ka nanghagna Lord mae ihei te karha te tifa, eghuteuna iagho mae ihei te mae king gna Israel, iara thofno nhaꞌa cheke kate tutuani. Namono aheva te tei iagho na, neuba iagho ne tei karha ba lehe, iara ginauna tei balumu.”

Nogna Buka Esta 4:14

Jame te theome cheke iagho te kmu teu kolho ka narane te ninhigrana igre na, keha naiknoi ginau nate mei te mala togho ghita nei fakarhi ghita. Nu iagho baludi tharaknamure ginauna lehe. Nu tahati theome laseni, jau iagho mala Kuin kolho ka vido te ninhigrana igne jau?”

Proveb 16:28

Mae te diꞌa na faꞌeiꞌei puhi mala faripholai ka keha naiknore. Eghuteuna mae te cheke faꞌikoi na mala fasopa gaghadi kheragna re.

Proveb 18:24

Mae te au kmana kheragna na mana theo nafugna kolho. Nu thofno kheramu na, keli fara salaꞌuni thabusimu na.

Proveb 19:13

Mae sitei te fameomekro na, mana goigonini kmagna na. Gaꞌase te faripholai ka khetogna na, naꞌa jateula nakhete ikoi te lulu soru lamna suga ia eghu.

Proveb 19:7

Thabusigna mae te kuma re tirodini mana. Eghuteuna kheragnare jaola tirodini mana. Neuba mana ne hirodi mare mala toghoni, theome tangomana te dedi re.

Hibru 2:11

Tutuani fara, mae ihei te faklinodi naiknore ke ulugna God nei naikno te klinore eghu God ngala Kmadi na. Naugna igne mae Jisas ne keli tagna te kilo ghita thabusigna thegna.

Thoutonu Eigna Rut 1:16

Nu Rut ne cheke eghu ka Naomi, “Ido, iara theome magnahaghei te tei koko nigho iagho na, iara gne magnahaghei te tei ngala balumu iagho. Thosei ke kuru fafigri ghau iara. Aheva te tei iagho na, iara na jaola tei jare. Kheramu iagho re mala jaola kheragu iara, eghuteuna nodi God mae Israel te pogho soruni iagho na jaola pogho soruni iara.

Ululahu Samuel 18:3

Mae Jonatan ne eni kaisei nhaꞌa cheke balugna mae Devet mala theome gnafa phiamare nodi namha na.

Ululahu Samuel 19:2

ne tei cheke eghu ka mana, “Mae kmagu iara na magnahaghei te falehe nigho iagho, eghume, iagho fiofilo nighoi eghu! Hamerane nathuꞌu na iagho tei hironi kaisei vido te keli mala tei poru.

Ululahu Samuel 19:3

Ghepa mama ginauna mei kegra rhegna vido te poru teu iagho na. Ghepa ginauna mei cheke eimu iagho jare, iara ginauna toutonu ka iagho unha nate chekedi manare.”

Ululahu Samuel 20:17

Aonu mae Jonatan ne toreni mae Devet mala ke nhaꞌa chekei mala ghatho tahuni nhaꞌa cheke igne, naugna mae Jonatan namhani fara mae Devet jateula Devet te namhani mae Jonatan eghu.

Ululahu Samuel 23:16

Nu mae Jonatan ne tei ka mae Devet Hores. Mana magnahaghei te toghoni mae Devet mala rheta mana nogna fatutuani na ka God.