Proveb 17:15 - Buka Blahi Ka Cheke Holo

¹⁵ Jame mae mala fate snakre fajiflani mae te diꞌa na, ba parani mae te keli na. Lord na tirognadi phei puhi igre.

Proveb 17:15 Iomraidhean Croise

Ululahu Kings 21:13

Aonu mare hata ne mei phei mae te mala cheke chaichaghi igre ne gnokro rhegna mana, eghuteuna phiamare ne funu cheke chaghi eigna mana ke uludi hatimare mae biꞌo, ne cheke eghu, “Mae igne cheke faparini God nei jaola cheke faparini king.” Aonu mare hatani mae Nebot ne tei ke kosi namono biꞌo ne fada faleheni mana ka thina.

Nodi Khoje Hatimare Mae Jiu 94:21

Hatimare roghe fodu ka puhi te diꞌa mala falehedi naikno te keli re.

Eksodas 23:7

Thosei toutonu chaichaghi mala athini ihei ka fate, ba fate faleheni ihei te theo kaisei nakhibogna na. Te eghu ghotilo na, iara ginau na theome atha koko nakhibomi ghotilo re.

Proveb 11:1

Lord theome magnahaghedi naikno te skel chaichaghi na. Nu mana keli tagna ka naikno te skel fadoglo na.

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Proveb 17:26

Theome doglo te parani ihei te theo nakhibogna na. Eghuteuna theome keli te purini mae te keli na.

Proveb 18:5

Theome doglo te phile balugna mae ihei te huhughuni vetula na. Eghuteuna theome doglo te theome toghoni ihei te theome huhughuni vetula na te mala lus ka fate na.

Proveb 31:5

Glahu koꞌu mare theome ghathoni vetula na, eghuteuna mare ginauna na theome tangomana te toghodi naikno te kumare.

Proveb 6:16

Lord theome magnahaghedi naiknore te edi fitu puhi igre: puhi fahaehaghe, puhi chaichaghi, puhi falehe naikno, puhi gaoghatho mala eni puhi te diꞌa na, puhi te tapla jafra ka nakhibo, puhi te cheke chaichaghi ka fate, nei puhi faripholai.

Profet Isaia 5:20

Kokhoni ghami fara ghotilo iheire te chekeni te glepo te diꞌare keli kolho ka gaoghathomi ghotilo re, eghuteuna glepo te keli re ke diꞌa! Tore! Gaoghathomi ghotilo gre thono diꞌa fara. Ka gaoghathomi ghotilo na grughu na ke naphae, eghuteuna naphae na ke grughu, eghuteuna glepo te mamahe na ke raha, eghuteuna glepo te raha na ke mamahe! Tore, gaoghathomi ghotilo igre thofno jafra fara!

Profet Isaia 5:23

Kate fatedi ghotilo naiknore, ghotilo lisa teidi kolho iheire te edi puhi te diꞌa re, naugna mare ne foli ghami ghotilo te mala eni nafnata puhi igne. Nu ghotilo atha tei ka sosolo naikno te doglore.

Lamentations 3:35

God mae ihei te Haghe Fara igne laseni jame te hata fadelei mare nodi nolaghi keha naiknore,

Profet Esikiel 13:19

Ghotilo goigonini kolho nanghagu iara na ka tathadi nogu naikno iara re, eghuteuna ghotilo hata katha gano kolho tabami ghotilo na. Ghotilo theome gnafa te chaghidi nogu naikno iara re, eghuteuna naiknore fatutuani ghami ghotilo kolho. Ghotilo jateula te aknu falehedi eghu naikno te theome mala lehe re, eghuteuna naikno te nabadi te lehe re, ghotilo tajidi kolho nakarhadi re.

Profet Emos 5:12

Iara lase ghami ghotilo, eigna kmana fata ghotilo huhughuni vetula na. Eghuteuna nakhibomi ghotilore thono kmana fara. Ghotilo hata sileni ka naikno te diꞌa puhidire, eigna te mala toghodi mare ka fate na. Eghuteuna ghotilo fakokhoanadi nei chaghidi eghu naikno te kuma re mala theome tangomana mare te chekeni unha te tutuani ka fate na.

Profet Emos 5:7

Ghotilo mae iheire te paradi naikno te doglo puhidira, eghuteuna ke tughu ka puhimi themi te diꞌare teura, fanomho mei ka iara!

Profet Emos 6:12

Hose na theome tangomana te chari ke kligna phegu, eghuteuna naikno na theome tangomana te joꞌu gano lamna thongna. Nu ghotilo tughu puhi te doglo na ka puhi fameomekro, eghuteuna tughu puhi te famane na mala ke jaola ke tughu ka glepo te raha mala ke diꞌa fara salaꞌui.

Letas Teke Riso Tei Mae Pol Ka Khiloau Rom 4:5

Mae te theome ronuni nogna gloku te keli nu fatutuani ni God mae ihei tangomana te toghoni ihei te diꞌa te mala doglo ke ulugna God na, God ginauna toghoni mana. Eigna God ginauna filo glanini mana jateula kaisei mae te doglo eghu kate fatutuani ni mana na.

Diutronomi 25:1

Mae Moses neke cheke eghu, “Jame phia mae fari fapholai, phia mare tei ka fate mala fadoglini fapholai igne. Eghuteuna mae fate na ginauna cheke fajiflani ihei te doglo na, nei ihei te nabagna te au papara na.

Jemes 5:6

Eghuteuna ghotilo fate fadiꞌadi naikno te theome eni kaisei najafra gre. Nu neuba ngau mare theome tangomana te magra fapulo na. Eghuteuna ghotilo jaola falehedi mare.