Proveb 17:12 - Buka Blahi Ka Cheke Holo

¹² Iagho mhaghuni idogna sua khuma te blau mare thugna na. Nu te keli na iagho mala mhaghuni tulao puhigna mae te fameomekro na.

Proveb 17:12 Iomraidhean Croise

Fapea Samuel 17:8

Iagho lasenihi mae kmamu iagho ia, baludi nogna mae soldia mana ra thono lase magra fara. Eghuteuna gognarona mare thofno diꞌatadi fara jateula bea te diꞌatagna fara kate blau naiknore thugna ra eghu. Eghume ginauna bongi na mana na theome au baludi nogna soldiare.

Fapea Kings 2:24

Nu mae Elisa figri ne filo tutu ka mare, eghuteuna mana ne eha ka nanghagna Lord mala thokedi hoholo mae igre. Theome raugha, phei bea gaꞌasedi megei nga ne suplu mei ka namhata na ne falehedi phiatutu phei mae ka mae sitei igre.

Proveb 17:11

Glehe na mei jateula kaisei nonomho te diꞌa eghu ka mae te magnahaghei te faꞌeiꞌei puhi biꞌo koba na.

Proveb 27:3

Thina ghe nusu re tahu fara, puhi biꞌo te eni mae te fameomekro na thono tahu fara salaꞌui.

Proveb 28:15

Mae lida gna kantri te eni puhi te diꞌa na, eghuteuna tapla faparidi naikno te kumare teuna, mana jateula lion te rofo fara, ba jateula bosu mata te chari te mei ra eghu kolho.

Proveb 29:9

Jame mae te autagna gaoghatho te keli na athani mae te fameomekro na ka fate, mae te fameomekro igne na theome au kmu, nu mana na cheke faparini nei naghoni eghu kolho mana. Eghuteuna theo kaisei pharikeli jare na.

Profet Hosia 13:8

Iara ginauna na jateula bea te diꞌatagna te kathu sasaka glepo te tautagu te mei te blau thugna ra eghu ka ghotilo. Eghuteuna iara ginauna na kafe falehe ghami ghotilo hui jateula lion te faleheni buluka biꞌo na te ghamu fahui ia eghu.

Matiu 2:16

Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.