Proveb 17:11 - Buka Blahi Ka Cheke Holo

¹¹ Glehe na mei jateula kaisei nonomho te diꞌa eghu ka mae te magnahaghei te faꞌeiꞌei puhi biꞌo koba na.

Proveb 17:11 Iomraidhean Croise

Fapea Samuel 15:12

Kate fafara na, mae Absalom ne fatei cheke ka mae Ahitofel, kaisei nogna advaesa mae king Devet te au ka namono Gilo. Mae Ahitofel jifla Gilo ne mei ka mae Absalom. Nogna gaoghatho mae Absalom te mala tapla faparini mae king Devet igne ne thofno keli fara. Eghuteuna kmana naikno funu mei toghoni mana.

Fapea Samuel 18:15

Eghuteuna nabotho nogna soldia mae Joab igre jaola ne mei khapru faligohoni mae Absalom ne faleheni mana.

Fapea Samuel 18:19

Aonu mae Ahimas, thugna mae Sadok ne cheke eghu ka mae Joab, “Snakre ghau iara sagho mala chari tei iara mala toutonu ka king eigna Lord te hata fadelei nodi nolaghi nogna naoka re.”

Fapea Samuel 20:1

Ka narane igre, kaisei mae te diꞌa fara puhigna na au ka namono Gilgal. Mae igne nanghagna na, mae Seba thugna mae Bikri ka vikegna mae Benjamin. Mae Seba gne kufli, ne eha eghu ka maedi Israel, “Mae Devet gne theome vikeda tahati. Tahati theome vikegna thugna mae Jesi igne! Tahati te gnafa maeda Israel ra kafe figri ke pulo ka namonoda ra!”

Fapea Samuel 20:22

Aonu naꞌa tei ka naikno gna namono igne ne cheke fajiflani nogna gaoghatho na. Mare leghuni nogna cheke naikno biꞌo igne ne tei kusu grara gna mae Seba. Eghuteuna mare hata phaꞌu gna mana igne ne haghe ka gringni gna namono na ne koko soru ka mae Joab. Aonu mae Joab kufli mala jifla mae soldiare mala ke figri mare ka king Jerusalem.

Ululahu Kings 2:31

King ne cheke eghu ka mana, “Eni sagho unha te chekeni mae Joab na! Faleheni nei giugiluni eghu mana. Mala nu iara nei vikegna mae kmagu teura theome naba te au papara eigna unha teke eni mana kani teke fiti aknu falehedi mae Abna mae komanda ka armi gna Israel ghe mae Amasa mae komanda ka armi gna Juda tifa ra.

Ululahu Kings 2:46

Aonu king neke chekeni mae Benaea mala faleheni mae Simei. Aonu mae Benaea tei ne aknu faleheni mana. Eghume nogna nolaghi mae Solomon te mala funei fruni na thofno rheta farahi.

Proveb 17:10

Cheke faheta ka mae te au tagna gaoghatho te keli na ghosei tughu nakarhagna na. Nu naikno te fameomekro na neubane purini kaisei gobi fata, mana theome tangomana te tughu nakarha na.

Proveb 17:12

Iagho mhaghuni idogna sua khuma te blau mare thugna na. Nu te keli na iagho mala mhaghuni tulao puhigna mae te fameomekro na.

Proveb 24:21

Thuguo, ghatho tahudi Lord ghe lida. Iagho au fadelei ka naikno te theome keli ranghidi phiamare are.

Matiu 21:41

Hatimare mae pris nei hatimare mae biꞌo teure ne cheke eghu ka mana, “Mana na kafe falelehe naikno te diꞌa tuare. Eghuteuna mana na snakre lao ka keha mae delei nagare tuana. Mare ginauna na tusu fapulo ka mana unha teke nabagna mana ka narane te ghanogna nagare tuana.”

Matiu 22:7

Aonu, mae funei na diꞌatagna fara ka mare. Mana ne cheke eghu ka nogna mae soldiare, ‘Tei ghotilo mala falehedi naikno te falehedi nogu mae gloku iara ra, nei gnubra fateo nodi namonore eghu.’ Hatimare leghuni nogna cheke mae funei na ne eni igne.

Luku 19:27

Eghuteuna, nogu mae naoka iara te theome magnahaghei ghau iara te funei frunidire, hata mei agne mala falelehe ke ulugu iara.’ ”