Proveb 16:7 - Buka Blahi Ka Cheke Holo

⁷ Ihei te au ka nakarha te magnahagheni Lord na, Lord ginauna toghoni mana mala theome magra baludi nogna naokare.

Proveb 16:7 Iomraidhean Croise

Jenesis 27:41

Mae Iso ghatho laoni u fablahi teke tusu lao mae kmagna na ka mae Jekop igne ne diꞌatagna fara ka mae Jekop. Ne cheke eghu, “Narane te mala lehegna mae mama gne la namo farahi, eghuteuna ka glehegna mana na ghehati ginauna na diꞌanagnafani mana. Eghuteuna kate ari te gnafa narane te mala diꞌanagnafa na, iara ginauna na faleheni mae Jekop.”

Jenesis 32:28

Aonu mana ne cheke eghu ka mana, “Tifa na mare neke kiloni nanghamu iagho na Jekop. Nu gognaro na nanghamu iagho na Israel, naugna iagho ne magra balugna God nei jaola magra balugna naikno neu, la heta gheuhi la ulunihi iagho magra igne.” Nangha igne gaoghathogna na “Magra balugna God” eghu.

Jenesis 33:4

Nu mae Iso chari ne tei ne loku famaku ka khamegna mae Jekop na ne kubae ka mana, eghuteuna phia mare ne orio tanhi fabiꞌo.

Fapea Kronikols 17:10

Ka narane te king mae Jehosafat igre, king nei naikno eghu te au ka kantri rhegna Juda igre mhaghu nodi fara ka Lord, aonu mare theome mei magra ka King Jehosafat.

Fapea Kronikols 20:30

Eghume nogna kantri King Jehosafat igne au ka pharikeli baludi kantri te gnafa te au faligohoni mana.

Esra 8:36

Aonu ghehati hata nogna letas king teke tusu mei ka ghehati igne ne tusu lao ka gavana nei hatimare nogna mae biꞌo king te au ka provins ke mosu Khoꞌu biꞌo Iufretis. Aonu mae biꞌo igre ne toghodi naiknore, eghuteuna mare ne togho ghami ghehati ka glokugna nogna Sugablahi God.

Nodi Khoje Hatimare Mae Jiu 69:31

Gloku te cheke fakelini iara nanghagna mana na igne thofno keli fara ranghini God ke tulao gnai te fafara lao buluka tahati ka mana na.

Eksodas 3:21

“Eghuteuna iara ginauna edi naiknodi Ijep mala ghatho tahu ghami ghotilo. Kate jifla ghotilo Ijep na, ghotilo ginauna tangomana nate hata kmana glepo te keli na.

Proveb 16:8

Mae te hata sileni ikoi kolho, eghuteuna leghuni puhi te keli na teuna, nakarhagna mae igne uluni nakarhagna mae te dedei nei diꞌa puhigna na teuna.

Proveb 3:17

Gaoghatho te keli na ginauna faglealeꞌa nigho fabrahu, eghuteuna tusu ranghi nigho pharikeli.

Profet Jeremaea 15:11

Nu Lord ne cheke eghu ka iara, “Jeremaea, iara ginauna togho nigho iagho mala au fakeli. Eghuteuna iara ginauna chekedi mae naokare mala mei tore nigho iagho mala toghodi ka narane te thoke mei hoholo biꞌo ka mare na.

Profet Jeremaea 39:12

“Ghotilo tei filoni mae profet Jeremaea mala reireghi fakelini mana. Thosei parani, nu eni ranghini unha te chekeni mana na.”

Profet Jeremaea 42:12

Iara ginauna kokhoni ghami nei keli ranghi ghami eghu ghotilo, eghuteuna snakre ghami mala ke figri ka nomi thofno namono re.’ ” Igne cheke gna Lord.

Profet Daniel 1:9

Aonu, God ne snakreni mae Aspenas mala kokhonini mae Daniel.

Letas Teke Riso Tei Mae Pol Ka Khiloau Rom 8:31

Eghume faꞌunha eghu tahati chekedire glepo igre? Tutuani, te kafe phile God baluda tahati na, theo kaisei naikno te tangomana te tapla soru ghita na.

Filipae 4:18

Iara la kafe hatahi gobigna lepo teke magnahaghedi iara re. Tulao mae Epafrodaetus hata neke mei ka iara thotogho teke famei ghotilo ra. U thotogho te famei ghotilo igre jateula u fafara te sisirigna nate keli tagna God ia eghu.

Kolose 1:10

Aonu ghotilo ginauna au ka nafnata nakarha te doglo fara ke ulugna Lord nei jaola fagleꞌani mana ka puhimire. Ghotilo tangomana te edi kmana nafnata gloku te keli nei lase fakelini God.

Kolose 3:20

Ghotilo goro suara, leghudi idomi kmami are, naugna noda Lord na keli tagna fara ka igne.

Hibru 13:21

Iara toreni God mala tusu ari glepo keli te gnafa ka ghotilo, mala tangomana ghotilo te edi unha te magnahaghedi mana re. Eghuteuna iara jaola toreni God ka nogna nolaghi mae Jisas Kraes, mana na edi unha te keli tagnadi thegna ke lamnami ghehati. Eghuteuna tahati ginauna na kilo fnaknoni mae Jisas Kraes tifa tifa. Amen.

Ululahu Pita 3:13

Mae ihei gne naba te fadiꞌa ghami ghotilo jame te magnahaghei eni fabrahu ghotilo glepo te keli na? Theo kaisei naikno.

Ululahu Jone 3:22

Eghuteuna tahati na hata ka mana unha teke toreni. Naugna tahati leghuni nei eni unha te keli tagna mana.