Proveb 16:6 - Buka Blahi Ka Cheke Holo

⁶ Ghatho tahuni Lord, eghuteuna leghuni mana fabrahu, eghuteuna mana ginauna hata koko nakhibomu iagho re. Ghatho tahuni mana, eghuteuna iagho ginauna na theome tangomana te tei namo ka puhi te diꞌa na.

Proveb 16:6 Iomraidhean Croise

Jenesis 20:11

Mae Ebraham ne cheke eghu, “Igne unha teke ghathoni iara ka thegu na, theo kaisei naikno ka namono igne te ghatho tahuni God na, eghuteuna mare ginauna na falehe ghau iara naugna mare magnahaghei te atha te khetogu iara na.

Nehemaea 5:15

Mae iheire teke gavana ke ulugu iara Juda igre neke paradi fara naiknore. Leuleghu fata na mare hata gano nei waen eghu ka naiknore, eghuteuna mare jaola hata vido kilo silva ka naiknore. Eghuteuna nodi mae gloku mae gavana gre jaola faparidi naiknore. Nu iara theome magnahaghei te eni igne, naugna iara ghatho tahuni God, eghuteuna iara magnahaghei te leghuni mana.

Nehemaea 5:9

Aonu iara ne cheke eghu, “Unha te eni ghotilo igne theome doglo! Te keli na ghotilo jame ghatho tahuni God, eghuteuna leghuni mana mala theome famamaja ghita naikno bongihehe te naoka ka tahati igre.

Thoutonu Eigna Mae Job 28:28

Aonu God ne cheke eghu ka tahati, “Ghatho tahuni Lord, igne thofno gaoghatho te keli na. Te mala hatini glalase te keli na, ghotilo thosei eni puhi te diꞌa na.”

Nodi Khoje Hatimare Mae Jiu 85:10

God namhadi fabrahu nogna naiknore, naugna igne mare mala fatutuani nei leghuni eghu God. Uve, iheire te doglo puhidire God ginau tusu ranghidi u pharikeli.

Eksodas 1:17

Nu repa ne theome leghuni unha te chekeni king igne, naugna repa ghatho tahuni God. Kate karha sua nalhaꞌu na, repa snakreni sua igne mala karhau kolho.

Eksodas 20:20

Mae Moses ne cheke eghu, “Thosei mhaghu, God na mei mala fariuriu ghami ghotilo kolho, eghume ghotilo mala ghatho tahuni Mana eghuteuna ghotilo mala thosei eni kaisei nakhibo eghu.”

Proveb 14:16

Mae te autagna gaoghatho te keli na, mana au fadelei ka puhi biꞌo. Nu naikno te fameomekro na, theome filo fakeli, eghuteuna ghosei thokeni puhi biꞌo.

Proveb 14:2

Naikno te leghuni puhi te doglo na, naikno igne ghatho tahuni Lord. Nu ihei te leghuni puhi te chaichaghi na, Lord na theo nafugna kolho ka nagnafagna mana na.

Proveb 14:27

Puhi te ghatho tahuni Lord igne jateula khoꞌu te tusu lao karha ka naikno ra eghu.

Proveb 16:5

Lord na theome magnahaghedi iheire te fahaehaghe fara are. Mana ginauna paradi mare.

Proveb 20:28

Mae funei te ghatho tahudi nogna naiknore, eghuteuna batudi ka puhi te doglo teuna, mana tangomana te batudi fabrahu nogna naiknore.

Proveb 3:3

Thosei koko puhi te namhadi naiknore eghuteuna keli ranghidi fabrahu. Fakakhana ka nakarhamu na jateula kaisei babaꞌo eghu tathaji ka nagnafamu na.

Proveb 3:7

Thosei ghatho nigho themu ne lalase teuna, ghatho tahuni Lord eghuteuna figri tagrudi thuagna lepo te diꞌa fateote'o.

Proveb 8:13

Jame te ghatho tahuni iagho Lord na, iagho na theome magnahagheni puhi te diꞌa na. Iara theome magnahagheni puhi te fahaehaghe na, puhi te filo faparini ihei na, puhi te diꞌa na, nei cheke te diꞌa na.

Profet Daniel 4:24

“King Nebukadnesa, igne gaoghathogna nou mifi iagho na. God mae ihei te fnakno kligna lahu igne, mana neke fakakhana unha nate thoke mei ka iagho na.

Profet Daniel 4:27

Eghume king, iagho te leghu fakelidi nogu cheke iara igre. Iagho thosei ke edi puhi te diꞌa teke edi iagho ra. Iagho kokhonidi iheire te kuma nei eni ranghidi unha puhi te doglo. Jame te eghu iagho na, iagho ginauna na au fakeli eghuteuna unha te edi iaghore ginauna na thofno keli fara.”

Levitikas 25:17

Ghotilo thosei chaichaghi fari themi. Nu ghotilo mala ghatho tahu ghau iara naugna iara Lord, nomi God ghotilo.”

Luku 11:41

Tutuani, ghotilo mala tufa ka naikno te kumare gano teke au ke lamnadi tapera re, eghuteuna God ginauna thono fagae ghami la ghotilo.

Jone 15:2

Mana na kato koko grege te au ka iara te theome ure. Mae Mama na tatasrei, nei fagagae eghu grege te au ka iara re, mala tangomana reꞌe teke ure ginauna.

Mae Khuru 15:9

Ka God na naikno tuare theome nhogri ka tahati. Kate fatutuani mare u Nonomho te Keli na, God na hata fadelei nakhibodire mala famane klino nagnafadire jateula teke enila mana ranghi ghita tahatia eghu.

Fapea Korin 7:1

Kheraguro, nhaꞌa cheke te gnafa igre neke edi God ranghi ghita. Naugna igne tahati mala au fadelei ka thua nafnata glepo tangomana te fathonadi thinida ba gaoghathodare. Naugna tahati ghatho tahuni fara God, tahati mala thofno leghuni puhi te blahi na.

Efesus 5:21

Lisa lao ghami fari themi naugna nomi ghatho tahu eigna Kraes.

Diutronomi 30:13

Theome au ke lamna nhorora, eghume iagho theome tangomana te cheke eghu na, ‘Ihei nate soru lamna nhorora te mala hata te mei ka tahati na, mala tangomana tahati te nomhi ni nei leghuni teuna?’

Ululahu Pita 1:22

Gognaro ghotilo fagae ghamihi themi naugna ghotilo leghuni cheke te tutuani na. Eghuteuna gognaro ghotilo jaola tangomana te namhadi kherami fofodure ka khiloau gne. Eghume te keli na ghotilo kafe namhadi naikno khiloau te gnafare ka thofno nagnafami fateo.