Proveb 16:5 - Buka Blahi Ka Cheke Holo

⁵ Lord na theome magnahaghedi iheire te fahaehaghe fara are. Mana ginauna paradi mare.

Proveb 16:5 Iomraidhean Croise

Thoutonu Eigna Mae Job 40:12

Iagho mala nhaꞌa faparidi iheire te fahaehaghe. Eghuteuna iagho tapla ke klignadi naikno te diꞌa ka vido aheva te gnokro teu mare tagna na.

Eksodas 20:7

“Thosei cheke faparini nanghagu iara na. Iara nomi Lord nei God eghu ghotilo. Tutuani, iara ginau na paradi naikno te cheke faparini nanghagu iara na.

Proveb 11:21

Tutuani fara, Lord ginauna parani naikno te diꞌa na. Nu hata fajiflani ihei te doglo na.

Proveb 16:4

Lord edi gobigna lepore leghuni gaoghatho gna na. Eghuteuna Lord na jaola parani mae te diꞌa na.

Proveb 16:6

Ghatho tahuni Lord, eghuteuna leghuni mana fabrahu, eghuteuna mana ginauna hata koko nakhibomu iagho re. Ghatho tahuni mana, eghuteuna iagho ginauna na theome tangomana te tei namo ka puhi te diꞌa na.

Proveb 6:29

Filo sagho, mae te thuru balugna khetogna keha mae na, papara biꞌo ginauna thokeni mana.

Proveb 8:13

Jame te ghatho tahuni iagho Lord na, iagho na theome magnahagheni puhi te diꞌa na. Iara theome magnahagheni puhi te fahaehaghe na, puhi te filo faparini ihei na, puhi te diꞌa na, nei cheke te diꞌa na.

Profet Isaia 2:11

Ka narane igne, Lord ginauna nhaꞌa faparidi naikno te fahaehaghe are, eghuteuna naikno te gnafa igre ginauna ghatho tahuni Lord kolho.

Profet Isaia 2:12

Ka narane tuare, Lord mae ihei te au nolaghi fateote'o igne ginauna nhaꞌa faparidi iheire te fahaehaghe.

Profet Isaia 3:11

Nu kokhonidi fara iheire te leghuni puhi te diꞌa na! Lord ginauna tughu fapulo ka mare glepo te diꞌa fateote'o teke edi mare ra.

Profet Jeremaea 13:15

Ghotilo fanomho fakeli ka cheke igne, thosei maku nagnafamire, naugna Lord na cheke ka ghotilo.