Proveb 16:32 - Buka Blahi Ka Cheke Holo

³² Mae te theome ghosei te diꞌatagna na, mana nheta salaꞌuni mae soldia te nheta fara na. Mae te saghe leghuni diꞌatagna na, mana keli fara salaꞌuni mae ihei te magra heta te uluni kaisei namono biꞌo na.

Proveb 16:32 Iomraidhean Croise

Fapea Kings 5:12

Jauna phei khoꞌu biꞌo Abana ghe Fapa Damaskas igre ne thofno keli fara salaꞌudi khoꞌudi Israel igre neu sia! Ne faꞌunha site theome tangomana iara te apu ka phei khoꞌu igre mala teke gnafa fogra ignea?” Aonu mana diꞌatagna fara neke pulo ka nogna suga na.

Nodi Khoje Hatimare Mae Jiu 103:8

Puhigna God na thono keli fara, mana theome tangomana te ghosei te diꞌatagna na. Nu mana namhadi nei kokhonidi eghu fara naiknore.

Proveb 14:29

Mae te theome ghosei te diꞌatagna na, mana lalase fara. Mae te ghosei te diꞌatagna na, mana fameomekro fara.

Proveb 15:18

Mae te ghosei te diꞌatagna na, mana faꞌeiꞌei puhi. Nu mae te thoghei te taegoni naikno na, naiknore na au ka pharikeli.

Proveb 16:19

Mae te kuma te nhaꞌa faparini thegna na, thofno keli fara salaꞌuni mae te fahaehagheni thegna ne au nogna kmana glepo teuna.

Proveb 16:31

Khakla te nufa na jateula nogna khepi nafnakno eghu mae biꞌo na. Mana tangomana te thokeni ka nakarha te doglo.

Proveb 16:33

Mae te lalahu khale te mala laseni unha te mala eni na teuna. Nu cheke tughugna na mei funu ka Lord.

Proveb 19:11

Mae te autagna gaoghatho te keli na, mana theome tangomana te ghosei te diꞌatagna na. Eghuteuna mana theome ghathoni najafra teke eni keha mae na ranghini mana na.

Proveb 25:15

Te thoghei te famane cheke eghuteuna theome ghosei me diꞌatamu iagho teuna, iagho tangomana te figri nagnafagna mae biꞌo te tirogna fanomho ka nou cheke iagho na, neubane maku jateula thina neu.

Proveb 25:28

Iagho theome tangomana te saghe leghu nigho themu kate diꞌatamu na, te eghu iagho na, iagho jateula kaisei namono te theome bara te ligoho ka thina ia eghu.

Eklesiasti 7:8

Jame kaisei mae eni fahui nogna gloku na, mana tangomana te glealeꞌa na uluni narane teke fufunu gna nogna gloku na. Jame nagnafamu iagho na theome ghosei diꞌatagna, igne keli fara uluni te fahaehaghe fara iagho na.

Eklesiasti 7:9

Theome keli te ghosei te diꞌatamu iagho na. Naugna tuana nogna puhi mae te fameomekro.

Letas Teke Riso Tei Mae Pol Ka Khiloau Rom 12:21

Thosei snakreni puhi te diꞌa na mala tapla fapari ghami, nu tapla faparini unha te diꞌa na kate eni unha te keli na.

Efesus 5:1

Ghotilo goro thugna God, eigna mana namha ghami ghotilo. Eghume ghotilo mala leghudi puhigna mana re.

Jemes 1:19

Kheraguro, ghaoghatho fakeli ghotilo ia. Te keli na ghotilo kulu fanomho fakeli ghu ame funu cheke nga nei diꞌatami nga eghu ka keha naiknore.

Thakle 3:21

Iheire te leghu ghau fabrahu te ghilei lehe na, iara ginauna snakreni mana mala funei fruni balugu iara. Naugna iara tapla sorudihi nogu naokare, eghuteuna iara gognaro na funei fruni balugna mae Mama.