Proveb 16:28 - Buka Blahi Ka Cheke Holo

²⁸ Mae te diꞌa na faꞌeiꞌei puhi mala faripholai ka keha naiknore. Eghuteuna mae te cheke faꞌikoi na mala fasopa gaghadi kheragna re.

Proveb 16:28 Iomraidhean Croise

Proveb 15:18

Mae te ghosei te diꞌatagna na, mana faꞌeiꞌei puhi. Nu mae te thoghei te taegoni naikno na, naiknore na au ka pharikeli.

Proveb 16:27

Mae te diꞌa na magnahaghei te eni puhi te diꞌa na. Eghuteuna nogna cheke re brana jateula khaꞌaghi eghu.

Proveb 16:29

Mae te khuru magra na chaghini kheragna na mala hata teini ka nabrou te diꞌa.

Proveb 17:17

Kheramu iagho na namha nigho iagho fabrahu. Eghuteuna thabusimu na togho nigho ka vido te ninhigrana.

Proveb 17:9

Jame te hata fadelei iagho nakhibogna mae kheragna fofodu na, ghopa ginauna au fakeli. Nu jame teke tonuni iagho nakhibo na, iagho roꞌeni fofodu na.

Proveb 18:6

Nogna cheke mae te fameomekro na mala faripholai ka keha mae na. Eghuteuna kate nomhini mare nogna cheke manare, mare magnahaghei te magrini mana.

Proveb 18:8

Tahati magnahaghei fanomho fara ka mae te buiburi naikno na. Nafnata cheke igne jateula gano te famane mamahe fara te magnahagheni tahati ia eghu.

Proveb 29:22

Mae te ghosei te diꞌatagna na, mala fufunu faripholai, puhigna mana na fodu fabrahu ka nakhibo.

Proveb 30:33

Jame te hata iagho milk ka buluka na te ngigno na, bata ginauna jifla mei. Jame te tuti iagho nehugna keha mae na, dadara ginauna jifla mei. Eghume jateula tuana eghu, jame te faꞌeiꞌei iagho te diꞌatadi naiknore na, magra ginauna jifla mei.”

Proveb 6:14

Mare ghathodi thua nafnata puhi te mala eni glepo te diꞌa na, eghuteuna edi puhi biꞌo ka vido te kmana re.

Letas Teke Riso Tei Mae Pol Ka Khiloau Rom 1:29

Mare fodu ka puhi te diꞌa, eghuteuna mare magnahaghei te hata glepo maladi thedi kolho, eghuteuna mare thono lalamadi fara naiknore. Mare fodu ka goghotu, falehe naikno, magra, saosagro, ghaoghatho fadiꞌani koba ihei, nei cheke pouporuni ihei.

Fapea Korin 12:20

Eigna iara nanga nogu mala ari posa ka ghotilo, na eghunu jafra ghotilo ka unha te magnahaghei filoni iara ka ghotilo na eghu. Jame te eghu na, iara ginauna jaola na jafra ka unha te magnahagheni ghotilo na. Kate ari posa iara ka ghotilo na, theome keli te filoni iara ke lamnami te magra, goghotu, diꞌatami faghose, ghatho ghami themi kolho, nhagho, buiburi naikno, fahaehaghe, nei theome au fodu.

Ululahu Samuel 24:9

ne cheke eghu, “Iagho thosei fanomho ka mae ihei te toutonu chaghi ranghi nigho na, iara theome tangomana te falehe nigho iagho na.