Proveb 16:23 - Buka Blahi Ka Cheke Holo

²³ Thiꞌagna mae te autagna gaoghatho te keli na batudi nogna chekere. Eghuteuna tangomana te figrini nagnafagna keha mae na.

Proveb 16:23 Iomraidhean Croise

Thoutonu Eigna Mae Job 15:2

“Mae te lalase na theome fiti cheke eghu, eghuteuna mana theome toho fafodu foflogna na ka nuri kolho.

Thoutonu Eigna Mae Job 8:10

Te keli na iagho fanomho ka nodi famane farirhiu kuꞌeda tifa ra. Kuꞌeda re tangomana te chekedi ka iagho glepo te keli re.

Nodi Khoje Hatimare Mae Jiu 45:1

Kmana famane cheke au ka gaoghathogu iara na. Iara magnahaghei te riso soruni khoje igne mala tusu lao ka king. Foflogu iara na jateula nogna baero mae glalase te mala rioriso ra eghu.

Proveb 15:28

Mae te keli na kulu ghaoghatho ame cheke nga eghu. Nu mae te diꞌa na luꞌa soru cheke te diꞌa na.

Proveb 15:7

Ihei te autagna gaoghatho te keli na, mana tangomana te tufa gaoghatho te keli ka naiknore. Nu ihei te theome au tagna gaoghatho te keli na, mana na theome jateula tuana eghu.

Proveb 16:21

Mae te autagna gaoghatho te keli na, naiknore laseni mae igne autagna gaoghatho te keli. Eghuteuna naiknore magnahaghei fara te fanomho ka nogna cheke mana re.

Proveb 16:22

Gaoghatho te keli na jateula glokha khoꞌu te tusu lao karha ka iheire te koꞌu tagna ra eghu. Nu gaoghatho te fameomekro na, goigonidi naiknore.

Proveb 5:2

Eghuteuna te fanomho iagho ka iara na, iagho ginauna tangomana te leghuni gaoghatho te keli na, eghuteuna nou cheke iagho re ginauna fakakhana te lalase iagho na.

Kolose 3:16

Snakreni chekegna mae Kraes na mala bruara fabrahu ke lamnami ghotilo u glalase te mala farirhiu nei farerheta eghu fari themi. Eghuteuna te keli na, ghotilo kilo fnaknoni God ka nagnafamire kate koje tharai ka Sam, himu, nei keha khoje te tusu ranghi ghami mae Tharunga te Blahi na.