Proveb 16:2 - Buka Blahi Ka Cheke Holo

² Jau iagho ne thofno doglo puhimu na ka tathagna God na eghu. Nu Lord ginauna laseni unha te au ka nagnafamu iagho na.

Proveb 16:2 Iomraidhean Croise

Nodi Khoje Hatimare Mae Jiu 36:2

Naugna mana kaisei mae lase fahaehaghe fara ka gaoghathogna na e cheke eghu, “Iara kaisei mae keli fara. God na theome tangomana te lasedi puhi te diꞌa te edi iara re, eghuteuna mana theome tangomana nate fate ghau iara na.”

Proveb 12:15

Mae te fameomekro na ne doglo neu kolho eghu ka gaoghathogna na. Nu mae ihei te autagna gaoghatho te keli na fanomho ka farirhiu.

Proveb 16:25

Keha mae jau ghathoni nabrou te leghuni mare igne thofno keli kolho eghu. Nu theo eghu. Nabrou te leghuni mare igne mala tei ka glehe.

Proveb 17:3

Naikno na tangomana te fariuriudi gol ghe silva ka khaꞌaghi. Nu Lord na tangomana te fariuriuni thiꞌagna naikno na.

Proveb 21:2

Jau tahati ne doglo neu theda eghu ka gaoghathodare. Nu Lord lasedi unha te ghathodi tahati re.

Proveb 24:12

Iagho thosei cheke eghu, “Iara theome laseni glepo tuana!” God na laseni thiꞌamu iagho na. Naugna mana te reireghini nakarhagna naikno na. Mana ginauna foli fapulo ka naikno te gnafare leghuni unha teke eni mare na.

Proveb 30:12

Keha maere ne doglo eghu ka gaoghathodire, nu mare theome thofno snagla ka nakhibo.

Proveb 5:21

Lord na filodi gobigna lepo te edi tahati re, eghuteuna mana filo glanidi nabrou te gnafa te tei leghudi tahati re.

Profet Isaia 26:7

Lord, iagho thofno doglo fara. Eghuteuna leuleghu fata na iagho fadoglidi fabrahu puhidi nou naiknore, eghuteuna iagho jaola ei fabligi fabrahu nakarhadi nou naiknore.

Profet Jeremaea 17:10

“Iara Lord kolho te filoni glamnagna naikno na. Eghuteuna iara fariu riuni koba gaoghathogna naikno na, mala ke tughu fapulo ka naikno igne nabagna unha teke eni mana na.”

Profet Daniel 5:27

“Skel teu igne gaoghathogna na, God neke nhaꞌa lao nigho iagho ka skel na iagho te theome nabamu te mala funei ka kantri igne na.

Naba 22:32

Aonu engel na ne cheke eghu ka mae Balam, “Ne unha site thilo fata purini iagho nou dongki gnea? Iara ngala teke kegra ka nabrou ia teke fanogra nigho iagho ia, naugna jafra fara unha te eni iagho ka iara ia.

Luku 16:15

Mae Jisas ne cheke eghu ka mare, “Ghotilo magnahaghedi naiknore te ghatho tahu ghami themi te doglo ke ulugna God. Nu God na thofno laseni unha te au ka nagnafami ghotilo re. Tutuani, glepo te ulu ka naiknore theo nafudi kolho ka God.”

Thakle 2:18

Mae igne neke cheke eghu ka iara, “Iagho rioriso tei kaisei letas ranghini engel gna khiloau Taetira, eghuteuna iagho cheke eghu ka mana: Igne nogu cheke iara mae Thugna God na. Tathagu iara re jateula khaꞌaghi te ngaja ia eghu, eghuteuna ghahegu iara re siasigla jateula bras eghu.

Thakle 2:23

Iara ginauna jaola falehedi iheire te leghuni naꞌa re. Aonu khiloau te gnafare ginauna lase ghau iara te tangomana te filo glanidi unha te au ke lamnagna nagnafadi naikno te gnafare. Eghuteuna iara ginauna jaola foli fapulo ghami ghotilo hui leghuni ngala unha teke eni ghotilo na, te keli ba te diꞌa.

Jajis 17:6

Ka narane tuana, naiknodi Israel igre theo nodi king ngau, aonu mare edi kolho unha te doglo ka gaoghathodi thedire.

Jajis 7:6

Ka narane tuana, thilo gobi mae kolho te koꞌu ka khamedire. Eghuteuna kehare turupuku ne pogho soru phaꞌudire ka khoꞌu na ne koꞌu.

Ululahu Samuel 16:7

Nu Lord ne cheke eghu ka mae Samuel, “Iagho thosei ghathoni mae igne, neuba mana ne mae brahu nei famane mae neu, iara theome magnahagheni mae igne. Naugna puhigu iara te mala filo ka naikno na theome jateula puhigna naikno eghu. Naikno na filo fei thini kolho, nu iara Lord filo lamna ka nagnafagna naikno na.”

Ululahu Samuel 2:3

“Ghotilo iheire te cheke fahaehaghe ra, ghotilo koko puhi tuare, ghotilo mala au kmu. Lord na kaisei God mae ihei te lasedi gobigna lepo fateote'o, eghuteuna mana fatedi puhidi naiknore.