Proveb 16:19 - Buka Blahi Ka Cheke Holo

¹⁹ Mae te kuma te nhaꞌa faparini thegna na, thofno keli fara salaꞌuni mae te fahaehagheni thegna ne au nogna kmana glepo teuna.

Proveb 16:19 Iomraidhean Croise

Nodi Khoje Hatimare Mae Jiu 138:6

Neuba iagho ne fnakno fara, iagho reireghidi koba iheire te au faparadi thedire. Nu naikno te fahaehaghedi thedire theome tangomana te poru ka iagho na.

Nodi Khoje Hatimare Mae Jiu 34:18

Lord na au rhedi naikno te au kokhonidi nei diꞌanagnafa teure.

Eksodas 15:9

Nou naoka iagho na fahaehaghe ne cheke eghu, ‘Ghehati ginau na ngolhi leghudi mala tei lokidi. Eghuteuna ghehati ginau na atha nodi dedei mare re mala tufa ka vikemi re. Ghehati ginau na falehedi ka naflahi biꞌo mala atha unha teke magnahaghedi ghehati ka mare re!’

Proveb 1:13

Tahati ginauna hata thua nafnotu glepo te keli mala fafodu noda suga te gnafa gre.

Proveb 1:14

Iagho mei balumi ghehati, tahati ginauna tufa gobigna lepo teke blau tahati ra.”

Proveb 25:7

Glahu famamaja nigho mae funei na ka tathadi naiknore. Te keli na iagho tei gnokro ka sape leghu lahu, eghuteuna mana ginauna kilo nigho mala gnokro balugna mana.

Proveb 29:23

Naiknore ghatho tahuni mae ihei te nhaꞌa faparini thegna na, mae te fahaehaghe na ginauna mamaja nogna fara.

Proveb 3:34

Mana faparidi iheire te cheke fapaiparini keha mae na, nu keli ranghidi iheire te nhaꞌa faparidi thedi.

Profet Isaia 10:6

Iara ginauna kuru meidi mae naoka re mala magra ka ghotilo, naugna ghotilo ne tei koko ghau iara neke bongihehe fapulo. Iara ginauna snakredi mae naoka igre mala para ghami ghotilo, naugna ghotilo ne fa ngingiri ghau iara. Maedi Asiria ginauna mei goigoni nomi namono ghotilo gre, nei blau nomi glepo ghotilo gre eghu. Mare ginauna tapla ke klignami ghotilo, jateula ihei te tapla ke kligna chopu ra eghu.

Profet Isaia 53:12

Naugna igne iara ginauna ghatho tahuni mana baludi mae biꞌo te au nodi nolaghi. Mana snakreni thegna mala lehe jateula mae te diꞌa eghu. Nu mana lehe tughudi kmana naikno te tapla jafra ka nakhibo, eghuteuna mana tore ghau iara mala atha koko nakhibodire.”

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.

Profet Isaia 9:3

Lord, iagho fagleꞌa ghami ghehati fara. Uve, ghehati kelitami fara jateula naikno te tei pulei gano ka nagare ra eghu, ba jateula soldia te glealeꞌa te tufa glepo teke hata ka magra ra eghu.

Matiu 5:3

“Keli tadi iheire te laseni te fnota ka God na, mare ginauna theome ludeni nakarha te tutuani na. Naugna God ginauna funei frunidi nafnata naikno igre.