Proveb 16:12 - Buka Blahi Ka Cheke Holo

¹² Mae mala baubatu na theome magnahagheni puhi te diꞌa na, naugna puhi te doglo na kolho te mala kegra maku gavman na.

Proveb 16:12 Iomraidhean Croise

Fapea Kronikols 17:5

Eghume Lord ne toghoni mana mala kaisei king rheta te funei frunini nogna kantri na. Eghuteuna naiknodi Juda igre mei ne tusu ranghini mana nodi namha re. Aonu mana gognarona kaisei mae dedei fara nei fnakno eghu ka tathadi naikno te gnafa ka kantri Juda.

Nodi Khoje Hatimare Mae Jiu 99:4

Iagho nomi King ghehati, eigna iagho ngala te au nolaghi na. Iagho leuleghu fata na magnahaghei puhi te doglo na. Eigna iagho themu ngala te tusu mei puhi te doglo igne mala fateni naiknogna kantri ghehati igne.

Proveb 16:13

Mae mala baubatu na kelitagna ka mae te cheke tutuani na.

Proveb 20:18

Kulu hata gaoghatho te keli ka keha naiknore, eghuteuna nou gloku iagho na ginauna keli fara. Jame te magnahaghei te tei magridi mae naokare teuna, iagho kulu hata ghaoghatho fakeli.

Proveb 25:5

Hata koko mae te diꞌa te farirhiuni king ka puhi te diꞌare, eghuteuna king ginauna tangomana te eni kantri igne mala kaisei famane namono mala au.

Proveb 28:9

Jame iagho te theome fanomho ka unha te chekeni ka vetula na, Lord ginauna theome fanomho ka nou tharai iagho na.

Proveb 29:14

Kate fatedi mae funei na naikno te kuma gre ka puhi te doglo na, mana ginauna tangomana te batudi fabrahu nogna naiknore.

Proveb 29:4

Kate leghuni mae funei na puhi te doglo na, nogna kantri mana na ginauna kegra heta. Nu kate magnahaghei hata sileni mae funei na ka naiknore, nogna kantri mana na khoko pari.

Luku 12:48

Nu mae gloku te theome laseni unha te magnahagheni mae funei na nei edi glepo te theome magnahaghedi mana re teuna, mae funei na ginauna theome raꞌe parani fara mana. Naugna mae ihei teke tusu lao God ranghini mana kmana glepo te mala reireghi na, God ginauna magnahagheni mana te mala edi keha glepo ke biꞌodi igrei. Eghuteuna mae ihei teke tusu lao God ranghini kmana gloku na, God ginauna magnahagheni mae tuana mala ke edi keha gloku langau.”

Diutronomi 25:16

Nu Lord nomi God thono tirognani fara naikno te chaghini ihei ka nogna bisnis na.”

Thakle 19:11

Aonu iara ne filoni maloa na ne thora, eghuteuna iara ne filoni kaisei hose vegha. Mae te saghe ka hose na nanghagna na, “Mae ihei te eni fakeli nogna gloku na, nei nogna cheke na doglo fabrahu.” Kate fatedi naiknore nei kate tei ka magra teuna, puhigna mana na jaola doglo fara kolho.