Proveb 15:7 - Buka Blahi Ka Cheke Holo

⁷ Ihei te autagna gaoghatho te keli na, mana tangomana te tufa gaoghatho te keli ka naiknore. Nu ihei te theome au tagna gaoghatho te keli na, mana na theome jateula tuana eghu.

Proveb 15:7 Iomraidhean Croise

Nodi Khoje Hatimare Mae Jiu 119:13

Iara ginauna toutonu eidi nou vetula iagho teke chekedi iagho ka ghehati ra.

Nodi Khoje Hatimare Mae Jiu 37:30

Mae te doglo igne au tagna u gaoghatho te keli, eghuteuna unha te chekedi mana ka naiknore famane keli koba. Mana tangomana te cheke ka puhi te doglo.

Nodi Khoje Hatimare Mae Jiu 45:2

King, tutuani iagho kaisei mae famane fara. Theo kaisei ihei nga jateula iagho teuna. Chekemu iagho re thofno keli fara. Eghume God na fablahi nigho fabrahu.

Proveb 15:2

Nogna cheke mae ihei te autagna gaoghatho keli na, tufa glalase ka naiknore. Nu nogna cheke mae te fameomekro na, theo nafugna kolho.

Proveb 15:6

Mae te keli na, au nogna kmana glepo. Nu naikno te diꞌa na tabani kolho ka puhi te diꞌa.

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Proveb 16:23

Thiꞌagna mae te autagna gaoghatho te keli na batudi nogna chekere. Eghuteuna tangomana te figrini nagnafagna keha mae na.

Proveb 5:2

Eghuteuna te fanomho iagho ka iara na, iagho ginauna tangomana te leghuni gaoghatho te keli na, eghuteuna nou cheke iagho re ginauna fakakhana te lalase iagho na.

Eklesiasti 10:2

Mae te au tagna gaoghatho te keli na leghuni puhi te doglo na. Nu mae te fameomekro na batuni puhi te diꞌa na.

Famane Khoje 4:11

Kheraguo, phepeomu iagho na mamahe jateula jurukuli, eghuteuna glapimu iagho na mamahe jateula milk balu jurukuli. Nou pohe iagho na siri keligna fara, jateula te famane sisirigna gaju sida gna Lebanon.

Matiu 10:27

Unha te chekedi iara ka ghotilo kolho te nomhidi ghotilo igre, ghotilo ginauna tei cheke ranghidi naiknore mala kafe nomhidi mare.

Matiu 12:34

Ghotilo gne jateula mogo eghu, naugna ghotilo lase chaichaghi fara! Ninhigrana fara ranghi ghami ghotilo te chekeni kaisei glepo te keli na, naugna puhimi ghotilo re theome keli. Unha te fodu ka nagnafagna naikno na, tuana ngala te jifla mei ka chekegna mana re.

Nonomho Te Keli Teke Risoi Mae Mak 16:15

Mae Jisas ne cheke eghu ka mare, “Ghotilo jifla tei heva heva kau nauthoglu gne, mala toutonuni Nonomho te Keli na ranghidi naikno fateote'o.

Efesus 4:29

Kate cheke na, ghotilo thosei chekeni kaisei cheke te diꞌa. Nu te keli na, chekeni ngala unha te nabagna te mala nomhini naiknore, eghuteuna nomi cheke ghotilo re ginauna tangomana te toghodi naikno te fanomhore.

Fapea Timoti 2:2

Iagho ke toutonu ranghidi mae iheire te rouronudi iagho ra eigna u farirhiu te nomhidi iagho igre teke edi iara ka naikno te kmanare. Eghuteuna mae igre ginauna jaola tangomana te mala farirhiudi keha naiknore.

Jemes 3:6

Eghuteuna cheke te jifla mei ka foflogna naikno na jateula kaisei khaꞌaghi eghu, naugna tangomana te roꞌedi glepo te kelire. Neubane kaisei vido ikoi fara ngala ka thinida tahati na, u foflo ngala nafugna te mala jifla mei glepo te diꞌa na, eghuteuna tangomana te roꞌedi nakarhada fateo tahati re. Glepo te diꞌa igre tangomana te para ghita funu ka karhada na ghilei lehe tahati. Eghuteuna cheke te diꞌa igre neke mei funudi ka mae Satan.