Proveb 15:6 - Buka Blahi Ka Cheke Holo

⁶ Mae te keli na, au nogna kmana glepo. Nu naikno te diꞌa na tabani kolho ka puhi te diꞌa.

Proveb 15:6 Iomraidhean Croise

Nodi Khoje Hatimare Mae Jiu 112:3

Tharaknagna mana na ginauna dedei fara nei au nodi kmana glepo te keli eghu. Eghuteuna mae te doglo ke ulugna Lord ginauna au fakeli nogna fabrahu tifa e tifa.

Nodi Khoje Hatimare Mae Jiu 37:16

Glepo ikoi te au ka mae te keli na, thofno keli fara uludi glepo te khotodi mae te diꞌare.

Proveb 10:22

Lord na tusu ranghi ghita kmana glepo te keli. Eghuteuna theo kaisei glepo tangomana te togho nigho iagho te mala dedei na.

Proveb 13:22

Mae te keli na tufa glepo te keli ka gragnare. Nu nogna glepo mae diꞌa na, ginauna tei ka naikno te doglore.

Proveb 15:16

Mae te theome au nogna kmana glepo, nu ghatho tahuni Lord teuna, nakarhagna mae igne uluni nakarhagna mae ihei te au nogna kmana glepo, nu mana au puhi biꞌo ka nakarhagna na.

Proveb 15:5

Sua te fameomekro na theome fanomho ka kmagna na. Nu sua te lalase na fanomho ka kmagna na.

Proveb 15:7

Ihei te autagna gaoghatho te keli na, mana tangomana te tufa gaoghatho te keli ka naiknore. Nu ihei te theome au tagna gaoghatho te keli na, mana na theome jateula tuana eghu.

Proveb 16:8

Mae te hata sileni ikoi kolho, eghuteuna leghuni puhi te keli na teuna, nakarhagna mae igne uluni nakarhagna mae te dedei nei diꞌa puhigna na teuna.

Proveb 21:20

Mae te autagna gaoghatho te keli na au kmana glepo ka suga na, mae te fameomekro na fahuhui gobigna lepore.

Proveb 3:33

Lord snakreni hoholo na mala thokeni tharakna gna mae te diꞌa na, nu mana fablahi ni tharakna gna mae te doglo na.

Proveb 8:21

Ihei te namha ghau iara na, mana ginauna dedei fara, eghuteuna mana ginauna au nogna kmana glepo ka sugagna na.

Eklesiasti 4:6

Nu te keli na, tahati loku kakatha kolho mala hata katha glepo ikoi kolho, salaꞌuni te hata glepo kmana tahati na, na eghunu kmusa kolho tahati jateula mae ihei te ngolho leghu kokho ka nuri na ia eghu kolho.

Hibru 11:26

Mana magnahaghei te au papara malagna Mesia mae ihei God nate kuru mei kau nauthoglu igne. Mana ghathoni naꞌau papara igne ke keli gnai te snori ka dedei fateo gna Ijep. Naugna mana filo faꞌulu kau taba nate tusu ranghini God nathuꞌu nauriha na.