Proveb 15:33 - Buka Blahi Ka Cheke Holo

³³ Mae te ghatho tahuni Lord na, mana leghuni nabrou te mala hata famane gaoghatho te keli nei glalase. Te theome nhaꞌa fapari nigho iagho themu na, iagho na theome fnakno nanghamu na.

Proveb 15:33 Iomraidhean Croise

Nogna Buka Esta 2:15

Ka fabotho nhigra te kiloni mare Tebet, ka fafitu finogha te funei king Sekses igne, mare hatani Esta ne tei au balugna mana kaisei bongi thongana. Esta gne kaisei famane gaꞌase fara, eghuteuna naikno te filoni naꞌa re keli tadi fara ka naꞌa. Ka narane igne, naꞌa ne pipichi pohe teke chekedi mae Hegae ka naꞌa re.

Thoutonu Eigna Mae Job 28:28

Aonu God ne cheke eghu ka tahati, “Ghatho tahuni Lord, igne thofno gaoghatho te keli na. Te mala hatini glalase te keli na, ghotilo thosei eni puhi te diꞌa na.”

Nodi Khoje Hatimare Mae Jiu 111:10

Mae ihei te magnahaghei mae glalase na, mana mala ghatho tahuni Lord. Uve, mana tusu lao glalase te keli ka iheire te leghudi nogna vetula mana re. Tahati kilo fnaknoni fabrahu mana.

Nodi Khoje Hatimare Mae Jiu 34:11

Ghotilo kheragu mae majaghani iara ra, ghotilo mei mala fanomho ka iara. Iara ginauna na farirhiu ghami ghotilo mala ghatho tahuni Lord.

Proveb 1:2

Famane cheke igre tusu ranghi ghita gaoghatho te keli, eghuteuna farirhiu ghita mala lasedi tahati unha te ninhigrana.

Proveb 1:7

Fufunu gna glalase na, iagho ghatho tahuni Lord. Nu naikno te fameomekro na tirogna fanomho nei leghuni eghu famane farirhiu na.

Proveb 15:32

Mae te thodo hiohiro na, mana thodoni thegna. Nu mae te magnahaghei fanomho na, nogna glalase na ginauna keli fara.

Proveb 16:1

Naikno na tangomana te ghaoghaho ka nagnafagna na. Nu Lord kolho tangomana te chekeni uve teuna.

Proveb 18:12

Jame mae te fahaehaghe te pala hagheni nanghagna thegna, ke leghu na ginauna krofu pari. Iagho theome naba te hata nangha biꞌo na jame te theome kulu nhaꞌa fapari nigho themu na.

Proveb 29:23

Naiknore ghatho tahuni mae ihei te nhaꞌa faparini thegna na, mae te fahaehaghe na ginauna mamaja nogna fara.

Proveb 8:13

Jame te ghatho tahuni iagho Lord na, iagho na theome magnahagheni puhi te diꞌa na. Iara theome magnahagheni puhi te fahaehaghe na, puhi te filo faparini ihei na, puhi te diꞌa na, nei cheke te diꞌa na.

Luku 14:11

Eghume, mae ihei te nhaꞌa faꞌuluni thegna na, God ginauna nake nhaꞌa faleghuni mana. Nu mae ihei te nhaꞌa faleghuni thegna na, God ginauna nake nhaꞌa faꞌuluni mana.”

Jemes 4:10

Nhaꞌa fapari ghami themi ke ulugna God eghuteuna God ginauna nake nhaꞌa haghe ghami ghotilo.

Ululahu Pita 5:5

Jateula tuana eghu ghotilo mae majaghani ra, nhaꞌa soru ghami themi ke paridi goro mae biꞌo are. Uve, ghotilo huju fapulo ghami themi ka puhi au faleghu mala fari totoghoi. Naugna grioriso te blahi na cheke eghu, “God theome magnahagheni mae ihei te fahaehaghe na, nu tusu lao khokofakasai ranghini ihei te au faleghu.”