Proveb 15:32 - Buka Blahi Ka Cheke Holo

³² Mae te thodo hiohiro na, mana thodoni thegna. Nu mae te magnahaghei fanomho na, nogna glalase na ginauna keli fara.

Proveb 15:32 Iomraidhean Croise

Nodi Khoje Hatimare Mae Jiu 50:17

Ghotilo tiromi fara te mala farirhiu ghami iara na, eghuteuna leuleghu fata na ghotilo tiromidi chekegu iara re.

Proveb 1:7

Fufunu gna glalase na, iagho ghatho tahuni Lord. Nu naikno te fameomekro na tirogna fanomho nei leghuni eghu famane farirhiu na.

Proveb 10:17

Farirhiu te keli na toghoni nakarhagna keha naikno na. Nu mae te tirogna fanomho ka farirhiu na ginauna tei jafra ka puhi te keli na.

Proveb 13:18

Mae te tirogna ni kaisei naikno te fadoglini na, mana ginauna kuma nei mamaja nogna eghu. Nu mae te fanomho ka naiknore te fadoglini na, naiknore ginauna ghatho tahuni mana.

Proveb 15:14

Mae te hiro glalase na, mana loku heta mala atha glalase. Nu mae te theome autagna gaoghatho te keli na, mana lase cheke fameomekro fara.

Proveb 15:21

Mae te theome autagna gaoghatho te keli na, kelitagnadi puhi te diꞌare. Nu mae te autagna gaoghatho te keli na, mana kelitagna te leghuni puhi te doglo na.

Proveb 15:31

Mae te fanomho fakeli ka cheke te mala fadoglini mana teuna, mana kaisei mae glalase fara.

Proveb 15:33

Mae te ghatho tahuni Lord na, mana leghuni nabrou te mala hata famane gaoghatho te keli nei glalase. Te theome nhaꞌa fapari nigho iagho themu na, iagho na theome fnakno nanghamu na.

Proveb 15:5

Sua te fameomekro na theome fanomho ka kmagna na. Nu sua te lalase na fanomho ka kmagna na.

Proveb 17:16

Theome keli te foli skul fi ka mae te theome autagna gaoghatho te keli na, naugna mana ne tirogna hiohiro.

Proveb 18:15

Mae te autagna gaoghatho te keli na, mana loku heta mala lasedi gobigna lepore. Mana tangomana te fanomho fakeli ka mae ihei te magnahaghei farirhiuni mana na.

Proveb 19:20

Jame te snakredi iagho keha mae te mala farirhiu nigho nei hata gaoghatho te keli teuna, iagho ginauna hata gaoghatho te keli nei glalase eghu.

Proveb 29:1

Mae ihei te patugama fabrahu neuba mare ne cheke faheta kmana fata tagna, mae tuana ginauna parani fara, eghuteuna theo kaisei glepo nate toghoni mana na.

Eklesiasti 7:5

Jame te fanomho iagho ka nogna farirhiu mae te autagna gaoghatho te keli te magnahaghei fadogli nigho iagho na, puhi igne keli fara salaꞌuni te fanomho iagho ka nogna khoje kilo fnakno mae te fameomekro na.

Profet Isaia 1:5

Naugna unha si ghotilo te tiromini chekegna God ignea? Ba, ghotilo magnahagheni God te para ghami fabrahu sia? Puhimi ghotilo re jateula mae te au nafnera biꞌo ka phaꞌugna na te theome ghaoghatho fakeli ra eghu.

Profet Isaia 3:9

Naikno igre theome jafra ka naiknodi Sodom tifa ra. Mare theome mamaja te eni puhi te diꞌa na ka tathadi keha naiknore. Kokhonidi fara naikno igre, naugna mare ei puhi biꞌo ranghidi thedi.

Profet Jeremaea 5:3

Lord, iagho magnahaghedi iheire te cheke kate tutuani koba. Neuba iagho ne paradi, nu mare theome haimini te kabru ghedi na. Neuba iagho ne goigonidi, nu mare theome snakre nigho iagho te mala fadoglidire. Phaꞌudire maku fara jateula thina eghu. Eghuteuna mare thono tirodi te tughu nagnafa na.

Diutronomi 21:18

Mae Moses ne cheke eghu, “Jame kaisei mae au kaisei thugna mae ihei te theome leghudi idogna kmagna re, neuba repa ne purini ngau mana.

Diutronomi 21:20

Aonu repa mala cheke eghu ka hatimare mae lida igre, ‘Thumi ghepa igne patu gama fara nei tirogna leghu ghami ghepa eghu. Mana jojokei nomi sileni ghepa re, eghuteuna mana kaisei koꞌu thaviru toghei kolho.’

Hibru 12:15

Fiofilo fakeli ghotilo ia mala theome kaisei naikno figri tagruni nogna namha te biꞌo God na. Na eghunu jateula kaisei gaju te fahoihoti ia eghu kaisei naikno ke lamnami ghotilo. Nafnata naikno tuana tangomana te goigonidi kmana naikno.

Jemes 1:22

Ghotilo mala leghuni koba u chekegna God na. Eghuteuna te cheke eghu ghotilo na, “Ghehati la nomhinihi chekegna God na” teu ghotilo, nu tiromi leghuni unha te chekeni mana na teuna, ghotilo chaghi ghami kolho themi.

Thakle 3:19

Naikno te namhadi fara iara gre, iara tangomana te cheke faheta ranghidi mala lilisei nodi puhi te diꞌare, nei jaola tangomana te farirhiudi mala leghuni nabrou te doglo na. Eghume, ghotilo mala hati nhetami na mala koko puhi te diꞌare.