Proveb 15:3 - Buka Blahi Ka Cheke Holo

³ Lord na filo ka naikno te keli nei ka naikno te diꞌa, eghuteuna lasedi unha te edi mare re.

Proveb 15:3 Iomraidhean Croise

Fapea Kronikols 16:9

Leuleghu fata na Lord filo fabrahu ka vido te gnafa ka nauthoglu igne, eghuteuna mana tangomana te farhetadi naikno te leghuni mana re. Nu iagho theome leghuni mana fabrahu, eghume mae naokare ginauna mei magra ka nou kantri iagho igne.”

Thoutonu Eigna Mae Job 24:23

Glahula God na snakredi mare mala au ka vido te keli, eghuteuna gaoghathodi mare na ne au fakeli neu eghu, nu leuleghu fata na God na filo tutu ka puhidi mare re.

Thoutonu Eigna Mae Job 28:24

Naugna kaisei mana ngala te filo ka namono te gnafa, eghuteuna fifilo ka gobigna lepo ka nauthoglu igne.

Thoutonu Eigna Mae Job 31:4

God na la lasedihi gobigna lepo te edi iara re, eghuteuna mana lasedihi vido te gnafa aheva te tei iara tagna na.

Nodi Khoje Hatimare Mae Jiu 33:13

Lord na au neu kligna ne filo soru ne filodi naiknore.

Proveb 15:4

Cheke te keli na, pala hagheni nakarhagna naikno na. Nu cheke te diꞌa na, fadiꞌa nagnafani naikno na.

Proveb 5:21

Lord na filodi gobigna lepo te edi tahati re, eghuteuna mana filo glanidi nabrou te gnafa te tei leghudi tahati re.

Profet Jeremaea 16:17

Iara ginauna eni igne, naugna iara filodi gobigna lepo te edi ghotilora. Puhi te diꞌa igre ghotilo theome tangomana te pophoru ka tathagu iara na, naugna leuleghu fata na iara filodi nakhibomi ghotilore.

Profet Jeremaea 23:24

Eghume, theome tangomana kaisei naikno ka ghotilo te poru ka tathagu iara na. Naugna iara fodu ka vido te gnafa kligna ba ka nauthoglu pari igne!

Profet Jeremaea 32:19

Iagho edi glepo te biꞌo igre ka nou nolaghi te biꞌo. Leuleghu fata na iagho filo glanidi puhidi naiknore, eghuteuna iagho ke tughu fapulo ka mare unha teke eni mare na.

Hibru 4:13

Eghuteuna theo kaisei glepo kau nauthoglu gne tangomana te poru ka God. Gobigna lepore kakhana ngala ka mana. Eghuteuna kaisei narane tahati ginauna na chekedi ka mana unha teke edi tahati re.