Proveb 15:29 - Buka Blahi Ka Cheke Holo

²⁹ Lord na theome fanomho ka nogna tharai ihei te eni puhi te diꞌa na. Nu mana fanomho ka nogna tharai ihei te doglo na.

Proveb 15:29 Iomraidhean Croise

Thoutonu Eigna Mae Job 35:13

Theo nafugna kolho te mala tanhi na, naugna God mae ihei te au nolaghi fateote'o igne, theome filo glanidi mare, eghuteuna mana theome nomhidi mare.

Nodi Khoje Hatimare Mae Jiu 10:1

Lord, naugna unha sagho te au fakhaba ka ghehati gnea? Naugna unha sagho te poru teu kate au teu ghehati kau hoholo gnea?

Nodi Khoje Hatimare Mae Jiu 138:6

Neuba iagho ne fnakno fara, iagho reireghidi koba iheire te au faparadi thedire. Nu naikno te fahaehaghedi thedire theome tangomana te poru ka iagho na.

Nodi Khoje Hatimare Mae Jiu 18:41

Mare neke eha naikno mala mei toghodi neku, nu theo kaisei naikno te mei fakarhidire. Mare neke tanhi ka God, nu God neke tirogna nomhidi mare.

Nodi Khoje Hatimare Mae Jiu 73:27

Iheire te figri tagru nigho iagho re ginauna lehe dofidi. Eghuteuna iheire teke leghu nigho iagho tifa ra, mare gognaro na kela tei koko nigho iaghohi. Iagho ginauna goigonidi mare.

Proveb 1:28

“Ka narane igne ghotilo ginauna kilo ghau iara mala togho ghami, nu iara ginauna na theome mei. Eghuteuna ghotilo ginauna fariuriu mala deni ghau iara, nu ghotilo ginauna theome filo ghau iara.

Proveb 15:30

Kate filo naiknore te gleꞌa iagho na mare jaola gleꞌa. Famane thoutonu na iagho keli nagnafamu fara.

Proveb 15:8

Lord na theome magnahagheni nogna fafara naikno te diꞌa na. Nu mana kelitagna ka nogna tharai mae te doglo na.

Profet Isaia 59:2

Nu nakhibomi ghotilo re fota ghami ka Lord. Eghuteuna mana fofotho phei khulignare, naugna eidi puhimi ghotilo te diꞌa igre.

Matiu 25:46

“Naikno igre ginauna tei au ka vido mala au papara na bongi narane. Eghuteuna, naikno te doglo ke ulugna God igre ginauna au ka nakarha te theo ka huigna.”

Jone 9:31

Tahati kafe laseni God na theome fanomho ka nogna tharai mae te diꞌa na nei toghoni mana eghu. Nu God na fanomho ka ihei te pogho soruni nei leghuni teu mana na ngala.

Ululahu Pita 3:12

Naugna Lord na reireghi fakelidi naikno te doglore. Eghuteuna mana tangomana te fanomho ka nodi tharaire, nu mana figri lao thagrugna na ka naikno te edi puhi te diꞌare.”