Proveb 15:28 - Buka Blahi Ka Cheke Holo

²⁸ Mae te keli na kulu ghaoghatho ame cheke nga eghu. Nu mae te diꞌa na luꞌa soru cheke te diꞌa na.

Proveb 15:28 Iomraidhean Croise

Nodi Khoje Hatimare Mae Jiu 59:7

Fanomho sagho nodi chekere thono diꞌa fara pari lahu. Nodi chekere fnonu fara jateula naflahi te ravedi naikno ra eghu. Nu mare ne cheke eghu, “Ihei gne nate nomhi ghami ghehati na?” Theo ihei nga nate nomhidi mare na.

Proveb 10:19

Naikno te khuru cheke na, ginauna edi kmana cheke fadiꞌa. Nu naikno te theome khuru cheke na, autagna gaoghatho te keli.

Proveb 10:32

Naikno te doglo na, cheke fadoglo. Nu naikno te diꞌa na tangomana te cheke chaghi fabrahu na.

Proveb 13:16

Mae ihei te autagna gaoghatho te keli na loku balu gaoghatho te keli. Nu mae ihei te theome autagna gaoghatho te keli na, fakakhana nakarha te fameomekro na.

Proveb 15:2

Nogna cheke mae ihei te autagna gaoghatho keli na, tufa glalase ka naiknore. Nu nogna cheke mae te fameomekro na, theo nafugna kolho.

Proveb 16:23

Thiꞌagna mae te autagna gaoghatho te keli na batudi nogna chekere. Eghuteuna tangomana te figrini nagnafagna keha mae na.

Proveb 29:11

Mae te fameomekro na fakakhana fara diꞌatagna na, nu mae te autagna gaoghatho te keli na saghe leghuni diꞌatagna na.

Proveb 29:20

Jame te filoni iagho mae ihei te cheke faghoeghose kolho na, mae te fameomekro na au nogna groronu te mala atha gaoghatho te keli uluni nafnata mae igne.

Eklesiasti 5:2

Iagho kulu ghaoghatho fakeli, ame tangomana nga iagho te kegra haghe te chekeni kaisei glepo na. Iagho thosei nananga te mala nhaꞌa cheke ka God na. Naugna God na au kligna, eghuteuna iagho au ka nauthoglu igne, eghume iagho thosei cheke me brahu.

Eklesiasti 5:6

Thono diꞌa fara te chekeni iagho cheke te mala batu nigho ka nakhibo na. Jaola iagho thosei tei cheke eghu ka mae pris, “Nogu nhaꞌa cheke iara igne jafrau.” Ba, iagho magnahagheni God te diꞌatagna ka iagho te goigonidi gobigna lepo teke loku teke kmusadi iaghore sia?

Matiu 12:34

Ghotilo gne jateula mogo eghu, naugna ghotilo lase chaichaghi fara! Ninhigrana fara ranghi ghami ghotilo te chekeni kaisei glepo te keli na, naugna puhimi ghotilo re theome keli. Unha te fodu ka nagnafagna naikno na, tuana ngala te jifla mei ka chekegna mana re.

Ululahu Pita 3:15

Nu te keli na ghotilo lisa lao ghami themi fabrahu ka mae Kraes nomi Lord. Eghuteuna leuleghu fata na ghotilo tarabana mala cheke tughudi naikno te ghusna ghami eigna unha te fatutuani ni ghotilo mae Kraes na.

Fapea Pita 2:18

Mare fahaehaghedi fara eidi nodi cheke te theo nafudire. Mare batudi keha naiknore mala eni unha te diꞌa na ka thinidire. Ka puhi igre mare korho fapulodi naikno teke funu rikha kokodihi puhi te diꞌare.