Proveb 15:26 - Buka Blahi Ka Cheke Holo

²⁶ Lord na theome magnahagheni gaoghatho te diꞌa na. Nu cheke te keli na, gae ka tathagna mana na.

Proveb 15:26 Iomraidhean Croise

Nodi Khoje Hatimare Mae Jiu 19:14

Lord, iagho nogu vido keli mala poru iara nei fakarhi ghau eghu iara. Iara magnahaghedi nogu tharai, nogu cheke nei gaoghathogu teu iara gre mala keli nei doglo eghu ka tathamu iagho na.

Nodi Khoje Hatimare Mae Jiu 45:1

Kmana famane cheke au ka gaoghathogu iara na. Iara magnahaghei te riso soruni khoje igne mala tusu lao ka king. Foflogu iara na jateula nogna baero mae glalase te mala rioriso ra eghu.

Proveb 11:20

Lord theome magnahagheni ihei te au gaoghatho te diꞌa ka thiꞌagna na. Nu mana namhani ihei te doglo na.

Proveb 15:23

Mae te tufa gaoghatho te keli ka keha mae na thofno keli fara. Eghuteuna famane cheke ka thofno naranegna na, thofno glepo keli fara.

Proveb 15:25

Lord ginauna roꞌeni nogna suga mae ihei te nheta nei te fafnaknoni nanghagna thegna na. Nu mana ginauna toghoni naikno biꞌo tela lehehi khetogna na.

Proveb 15:27

Mae te khiri na atha mei puhi biꞌo ka thabuknagna na. Nu mae te tirogna fanomho ka ihei te mei cheke famaemaheni mana mala atha glepo ka mana teuna, mana ginauna karha.

Proveb 16:24

Cheke te keli na famane mamahe jateula jurukuli eghu. Cheke igre farerheta nakarhadi naiknore.

Proveb 24:9

Mae ihei te theome autagna gaoghatho te keli na, mana tangomana te ghaoghatho eigna te mala eni puhi te diꞌa na. Naiknore tirodini mae igne.

Profet Jeremaea 4:14

Ghotilo naiknomi Jerusalem, niha nau ame tughu nakarha nga eghu si ghotilo ia? Koko si ghotilo puhimi te diꞌare mala ke au klino, eghuteuna God ginauna na fakarhi ghami ghotilo.

Matiu 15:19

Naugna igre glepo te jifla mei ka nagnafagna mana re, gaoghatho te diꞌa, falehe naikno, tolaghi pedo, mhala, blau, chaichaghi, vuavuha cheke nei buiburini ihei.