Proveb 15:24 - Buka Blahi Ka Cheke Holo

²⁴ Mae te autagna gaoghatho te keli na, mana tangomana te tei ka nabrou te haghe kligna te mala athini u karha na. Eghume, mana theome tangomana te soru pari ka namonodi mae tela lehehi ra.

Proveb 15:24 Iomraidhean Croise

Nodi Khoje Hatimare Mae Jiu 139:24

God, filo meini sagho nakarhagu iara gne, glahula me au meu keha thona tagna. Baubatu ghau iara sagho ka puhimu iagho te keli fara te au fabrahu te tifa te tifa ana.

Nodi Khoje Hatimare Mae Jiu 16:11

Iagho falalase fabrahu ka iara u nafnata nakarha te magnahagheni iagho na. Kate au teu iara balumu na, iara keli tagu fara, nei gaoghathogu na fodu fabrahu kau glealeꞌa.

Proveb 2:18

Jame te tei iagho balugna gaꞌase igne ka nogna suga naꞌa na, iagho jateula te leghuni nabrou te tei ka namonodi naikno te lehe ra eghu.

Proveb 23:14

Kate puphuri iagho na, iagho tangomana te tuthughu nakarhagna mana na.

Proveb 4:18

Puhigna naikno te doglo na jateula naprai te haghe hamerane boibongi, eghuteuna ke agha fabiꞌo farai aublatha thongana ra eghu.

Proveb 5:5

Nafnata gaꞌase igne ginauna batu nigho doglo tei ka namonodi naikno te lehe ra.

Proveb 6:23

Chekedi idomu kmamu are jateula kaisei juta eghu mala fadoglini nakarhamu iagho na.

Proveb 7:27

Nabrou te tei ka sugagna naꞌa na tuana nabrou biꞌo te soru ka beku na.

Proveb 9:8

Thosei fariuriu fadoglini mae te thona foflogna na, mana ginauna tirogna nigho iagho. Nu te farirhiuni iagho ihei te autagna gaoghatho te keli na, mana ginauna namha nigho iagho.

Profet Jeremaea 21:8

“Eghuteuna Lord ne cheke eghu, ‘Jeremaea, iagho tusu lao nogu cheke iara igne ka naiknore: Iara Lord, iara gognarona falalase ka ghotilo phei nabrou. Kaisei nabrou mala karha, eghuteuna kehana mala lehe. Ghotilo mala vavahi ka phei nafnata nabrou aheva te magnahaghei leghuni ghotilo na.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Diutronomi 32:22

Diꞌatagu iara na brana jateula khaꞌaghi biꞌo te ghamu fateo gobigna lepo ka nauthoglu igne te ghilei soru pari ka namonodi naikno te lehe ra eghu. Ghemi nagare te gnafa ghotilo are ginauna nhako, eghuteuna ginauna jaola nhako ke paridi thogele are.

Filipae 3:20

Nu tahati naikno te fatutuani mae Jisas gre, u thofno namonoda na kligna, theome agne pari. Jare te mala au tahati ke leghugna u gleheda na. Gognaro na tahati ofoniu kolho noda Lord Jisas Kraes mae Fakarhai nake pulo mei funu kligna.