Proveb 15:21 - Buka Blahi Ka Cheke Holo

²¹ Mae te theome autagna gaoghatho te keli na, kelitagnadi puhi te diꞌare. Nu mae te autagna gaoghatho te keli na, mana kelitagna te leghuni puhi te doglo na.

Proveb 15:21 Iomraidhean Croise

Thoutonu Eigna Mae Job 28:28

Aonu God ne cheke eghu ka tahati, “Ghatho tahuni Lord, igne thofno gaoghatho te keli na. Te mala hatini glalase te keli na, ghotilo thosei eni puhi te diꞌa na.”

Nodi Khoje Hatimare Mae Jiu 111:10

Mae ihei te magnahaghei mae glalase na, mana mala ghatho tahuni Lord. Uve, mana tusu lao glalase te keli ka iheire te leghudi nogna vetula mana re. Tahati kilo fnaknoni fabrahu mana.

Proveb 10:23

Naikno te theome autagna gaoghatho te keli na, keli tagna te eni puhi te diꞌa na. Nu naikno te autagna gaoghatho te keli na, mana kelitagna te eni puhi te keli nei doglo teuna.

Proveb 11:12

Ihei te fameomekro na, cheke fadiꞌadi naiknore. Nu ihei te au tagna gaoghatho te keli na, mana au kmu.

Proveb 14:16

Mae te autagna gaoghatho te keli na, mana au fadelei ka puhi biꞌo. Nu naikno te fameomekro na, theome filo fakeli, eghuteuna ghosei thokeni puhi biꞌo.

Proveb 14:8

Mae te autagna gaoghatho fakeli na, mana laseni unha te eni na. Nu mae te theome autagna gaoghatho fakeli na, mana batu fadiꞌani kolho thegna, naugna gaoghathogna mana na theome doglo.

Proveb 14:9

Mae te fameomekro na, theome laseni unha te jafra na. Nu mae te lalase na, laseni unha te doglo na.

Proveb 15:22

Jame te magnahaghei edi iagho keha gloku na, iagho kulu atha gaoghatho ka keha mae are, eghuteuna nou gloku iagho na ginauna thofno keli fara. Nu jame te theome eghu iagho na, iagho ginauna fiti kmusa kolho.

Proveb 4:25

Iagho filo fadoglo ka nabrou te tei iagho na, thosei filo tafri.

Proveb 4:26

Ghaoghatho fakelini unha te magnahaghei eni iagho na, eghuteuna gobigna lepore ginauna doglo kolho.

Efesus 5:15

Eghume, kheraguro, famane filo fakelini u nafnata nakarha te batuni ghotilo na. Thosei jateula naikno te theome laseni kaisei glepo ra eghu, nu jateula naikno te au gaoghatho te keli ke lamnadi ra eghu.

Jemes 3:13

U famane glepo khuakhuda te edi kaisei mae ka ghotilo igre fagaglana gna te kaisei mae glalase tutuani mana na. Eghuteuna kate edi mana glepo te khuakhuda igre, mana na theome tangomana te fahaehagheni thegna na.