Proveb 15:19 - Buka Blahi Ka Cheke Holo

¹⁹ Nakarhagna mae te thodo na jateula mae te tei ka nabrou te soro ra eghu. Nu nakarhagna mae te doglo na jateula mae te tei ka nabrou biꞌo ra eghu.

Proveb 15:19 Iomraidhean Croise

Nodi Khoje Hatimare Mae Jiu 25:12

Lord, ihei te leghudi nou cheke iagho re, iagho ginauna falalase ka mana nabrou te keli te mala leghuni mana na.

Nodi Khoje Hatimare Mae Jiu 27:11

Lord, farirhiu ghau puhimu iagho na eghuteuna iara ginauna na leghu nigho iagho. Bara fothi ghau, naugna nogu naoka iara gre kmana fara.

Nodi Khoje Hatimare Mae Jiu 5:8

Lord, nogu naoka iara gre thono kmana fara. Eghume iara magnahaghei nigho iagho te bara fothi ghau ka mae iheire te magnahaghei mei goigoni ghau iara igre. Batudi ghahegu gre mala leghuni iara u puhimu iagho te doglo na. Falalase ranghi ghau u nabrou te magnahaghei iagho te mala leghuni iara na.

Proveb 11:5

Puhigna mae te keli na thofno doglo fabrahu. Nu puhigna naikno te diꞌa na tangomana te goigonini thegna na.

Proveb 15:18

Mae te ghosei te diꞌatagna na, mana faꞌeiꞌei puhi. Nu mae te thoghei te taegoni naikno na, naiknore na au ka pharikeli.

Proveb 15:20

Mae sua te lalase na, faglealeꞌadi fabrahu idogna kmagnare. Nu mae sua te fagoigoli tafri na, theome ghatho tahudi idogna kmagnare.

Proveb 22:13

Mae te thodo na fiti au kolho lamna suga, cheke eghu, “Jame kaisei lion na au jare ka nabrou na. Glahu tei iara nu falehe ghau naꞌa eghu.”

Proveb 22:5

Nakarhagna mae te diꞌa na jateula nabrou te thafru ka phono nei phighoro teuia eghu. Nu mae te reireghi fakelini nakarhagna na, au fakhaba ka nafnata nabrou igne.

Proveb 26:13

Naikno te thodo na cheke eghu, “Lion na au jare ka nabrou na! Lion na au jare ka nabrou na! Naꞌa magnahaghei te ghamu ghau iara!”

Proveb 3:6

Ghathoni Lord ka gobigna lepo fateote'o, eghuteuna mana ginauna fadoglini nou nabrou iagho na.

Proveb 6:6

Ghotilo naikno te thodo ra, ghotilo tei filo ka puhidi duki are mala lalase jateula mare eghu.

Proveb 8:9

Gaoghathogna cheke igne thofno glola fara ka ihei te autagna gaoghatho te keli nei lalase teuna, eghuteuna mana laseni nogu cheke iara igne thofno doglo fara.

Profet Isaia 30:21

Neuba ghotilo ne figri fei mairi ba fei nheta, ghotilo ginauna tangomana te nomhini naoglagna mana te cheke eghu mei ke leghumi na, “Igne nogu nabrou iara na. Leghuni!”

Profet Isaia 35:8

Kaisei nabrou biꞌo ginauna au ka namono igne, eghuteuna mare ginauna kiloni nabrou igne, nogna Nabrou Blahi Lord. Naikno te diꞌa nei naikno te fameomekro teu ra, ginauna theome leghuni nabrou igne, nu iheire te leghuni kolho puhi te keli na nate tangomana te leghuni nogna Nabrou Blahi Lord.

Profet Isaia 57:14

Naiknore ginauna nomhini nogna cheke Lord igne, “Ghotilo naiknora! Ghotilo tarabana fakeli nabrou igne mala ke pulo mei nogu naikno iara ra. Ghotilo atha fadelei glepo te fanogradi mare igre mala ke pulo mei mare ka iara.”