Proveb 15:18 - Buka Blahi Ka Cheke Holo

¹⁸ Mae te ghosei te diꞌatagna na, mana faꞌeiꞌei puhi. Nu mae te thoghei te taegoni naikno na, naiknore na au ka pharikeli.

Proveb 15:18 Iomraidhean Croise

Fapea Samuel 19:43

Eghuteuna maedi Israel igre ne cheke eghu, “Uve, tutuani fara, king igne mae kherami ghotilo, nu ghehati au nomi nolaghi ke tulaomi ghotiloi. Ghehati nabotho vike, nu ghotilo kaisei vike kolho. Eghume king igne nomi ghehati nabotho fata salaꞌuni puhi te nomi themi teu ghotilo igne. Ghaoghatho fakelini si ghotilo. Ghehati ngala teke kulu ghathoni mala ke hata fapuloni mana tekuna!” Nu maedi Juda igre ne cheke faparidi fara maedi Israel gre.

Proveb 10:12

Te theo namha na, faꞌeiꞌei puhi biꞌo. Nu namha na hata kokodi nakhibo fateote'o.

Proveb 14:29

Mae te theome ghosei te diꞌatagna na, mana lalase fara. Mae te ghosei te diꞌatagna na, mana fameomekro fara.

Proveb 15:1

Thoghei famane cheke ka mae te thono diꞌatagna fara na, mana ginauna ke jemnu soru. Nu jame te cheke faheta fara iagho na, mana ginauna brana salaꞌui.

Proveb 15:19

Nakarhagna mae te thodo na jateula mae te tei ka nabrou te soro ra eghu. Nu nakarhagna mae te doglo na jateula mae te tei ka nabrou biꞌo ra eghu.

Proveb 16:14

Kate diꞌatagna mae te mala baubatu na, mana tangomana te falehe naikno na. Eghume, mae te autagna gaoghatho te keli na mana fariuriu mala kelitagna mae mala baubatu na.

Proveb 16:28

Mae te diꞌa na faꞌeiꞌei puhi mala faripholai ka keha naiknore. Eghuteuna mae te cheke faꞌikoi na mala fasopa gaghadi kheragna re.

Proveb 22:24

Iagho thosei fren ka mae te diꞌatagna fara na, eghuteuna iagho thosei au balugna mae te ghosei te diꞌatagna na.

Proveb 25:15

Te thoghei te famane cheke eghuteuna theome ghosei me diꞌatamu iagho teuna, iagho tangomana te figri nagnafagna mae biꞌo te tirogna fanomho ka nou cheke iagho na, neubane maku jateula thina neu.

Proveb 26:21

Gaju na mala ngaja khaꞌaghi na. Eghuteuna mae te fapholai koba na, mae mala faꞌeiꞌei magra.

Proveb 28:25

Mae te khiri fara na mala vuhai faripholai. Nu mae te rouronu ka Lord na ginauna au ka nakarha te keli.

Proveb 29:22

Mae te ghosei te diꞌatagna na, mala fufunu faripholai, puhigna mana na fodu fabrahu ka nakhibo.

Eklesiasti 10:4

Jame kaisei mae mala baubatu diꞌatagna ka iagho, iagho thosei lisa kokoni nou gloku na, jame te au kmu kolho iagho na, mana ginauna hata fadelei nakhibomu iaghore.

Matiu 5:9

Keli tadi iheire te loku eigna na au muana ke lamnadi iheire te magra. Naugna God ginauna kilodi goro thugna.