Proveb 15:14 - Buka Blahi Ka Cheke Holo

¹⁴ Mae te hiro glalase na, mana loku heta mala atha glalase. Nu mae te theome autagna gaoghatho te keli na, mana lase cheke fameomekro fara.

Proveb 15:14 Iomraidhean Croise

Nodi Khoje Hatimare Mae Jiu 119:100

Nogu glalase iara eigna nou vetula iagho na, uludi fara nodi glalase goro mae biꞌo re naugna iara ne leghudi nou cheke iagho re.

Nodi Khoje Hatimare Mae Jiu 119:97

Funu hamerane te ghilei plulu naprai na, iara gaoghathodi nou cheke iagho ra, iara keli tagudi fara!

Proveb 1:5

Buka igne ginauna toghoni mae ihei te lalase fara mala biꞌo salaꞌui mana nogna glalase na. Eghuteuna mana ginauna farirhiudi iheire te au tadi gaoghatho te keli mala leghuni mare nabrou te keli na.

Proveb 12:23

Mae ihei te au tagna gaoghatho te keli na, theome ghosei chekeni unha te au ka nagnafagna na. Nu mae te fameomekro na edi thua nafnata cheke te theo nafudi.

Proveb 15:15

Mae te sokmo ka glepo, ba gano na, mana ginauna au fadiꞌa nei au diꞌanagnafa eghu fabrahu. Nu mae te fodu ka gleale'a nakarhagna na, narane igre ginauna jateula narane gaghamu eghu fabrahu.

Proveb 18:15

Mae te autagna gaoghatho te keli na, mana loku heta mala lasedi gobigna lepore. Mana tangomana te fanomho fakeli ka mae ihei te magnahaghei farirhiuni mana na.

Proveb 9:9

Te farirhiuni iagho mae te autagna gaoghatho te keli na, gaoghathogna mana na ginauna thofno keli fara. Farirhiuni mae te doglo na, mana ginauna lalase salaꞌui.

Profet Isaia 30:10

Leuleghu fata na naiknore tangomana te cheke eghu ka nogu mae profet iara igre na, ‘Ghotilo mae profet ra thosei filodi mifi are! Ghotilo mala fakakhana ka ghehati puhi te doglo igne! Ghotilo mala chekeni kolho unha te magnahaghei nomhini ghehati na! Uve, ghehati magnahaghei nomhidi kolho famane chekere.

Profet Isaia 44:20

Nu neuba, mae igne theome laseni unha te eni na. Eghuteuna gaoghatho te jafra na batu fadiꞌani mana. Mana jateula mae te ghamu nakrofu ra eghu kolho. Mana theome tangomana te fakarhini thegna na, ba te cheke eghu na, “Mumuju te hata iara igne theome god tutuani, kaisei vido gaju kolho!”

Profet Hosia 12:1

“Gobigna lepo te edi mae Israel funu hamerane te ghilei rafi igre theo nafudi kolho. Unha te edi mare igre jateula puhi sua te fariuriu tathako nuri ia eghu kolho. Mare cheke pouporu tafri ke leghudi kheradi thedire. Mare magra nei falehedi eghu kolho kheradi thedi re. Mare lilisei vetula mala loku balugna king gna Asiria, nei eꞌei bisnis baludi maedi Ijep te nogna naoka thegna na.”

Mae Khuru 17:11

Naikno Jiu te au Berea gre thono ke keli tadi fara ka naikno Jiu te au Tesalonika re. Mare magnahaghei fara te fanomho ka glepo te chekedi mae Pol ghe mae Silas. Naikno igre leuleghu narane na iu'ijuni grioriso te blahi na mala lase fakelini glahula tutuani ba theo kolho glepo igre.

Fapea Pita 3:18

Nu ghotilo mala au fabrahu ka nogna khokofakasai nei glalase noda Lord Jisas Kraes. Tahati kilo fnaknoni tifa tifa nanghagna noda Lord mae ihei teke fakarhi ghita. Amen. Me gnafa. Iara, mae Pita.