Proveb 15:10 - Buka Blahi Ka Cheke Holo

¹⁰ Mae te theome leghuni puhi te doglo na, mare ginauna parani mana. Mae te theome magnahagheni kaisei naikno te fadoglini puhigna te diꞌa na, mana ginauna lehe.

Proveb 15:10 Iomraidhean Croise

Ululahu Kings 18:17

Eghuteuna kate filoni mae Elija na, mana ne cheke eghu, “Tore! Iagho si mae te ei puhi biꞌo agne Israel ia?”

Ululahu Kings 21:20

Kate filoni mae Elija na, King Ehab ne cheke eghu, “Sei! Nogu naoka iara gne kela mei filo ghauhi iara!” Mae Elija ne cheke eghu ka mana, “Uve, iara mei filo nigho iagho, naugna iagho ne eni puhi te thono diꞌa fara na ka tathagna Lord.

Ululahu Kings 22:8

Aonu King Ehab ne cheke eghu, “Uve, kaisei nogna profet Lord na au agne, nanghagna na mae Maekaea, thugna mae Imla. Tapa tangomana te ghusnani mana te mala nomhini gaoghathogna Lord na. Nu iara tiroguni mae igne eigna leuleghu fata na mana theome chekeni kaisei glepo te keli ka iara, nu nonomho diꞌa eigu iara kolho!” Mae Jehosafat ne cheke eghu ka mana, “Iagho theome tangomana te cheke jateula tuana teuna. Fanomho sagho ka unha te chekeni mana na!”

Nodi Khoje Hatimare Mae Jiu 50:17

Ghotilo tiromi fara te mala farirhiu ghami iara na, eghuteuna leuleghu fata na ghotilo tiromidi chekegu iara re.

Proveb 1:25

Ghotilo figri tagrudi nogu famane cheke iara igre, eghuteuna ghotilo thufu fara kate magnahaghei fadogli ghami iara na.

Proveb 1:30

Kate magnahaghe fadogli ghami ghotilo teu iara na, ghotilo tiromi fanomho ka nogu farirhiu iara re.

Proveb 10:17

Farirhiu te keli na toghoni nakarhagna keha naikno na. Nu mae te tirogna fanomho ka farirhiu na ginauna tei jafra ka puhi te keli na.

Proveb 12:1

Iagho kaisei mae glalase te magnahaghedi keha mae te mala fadoglidi najaframu re. Nu mae ihei te theome magnahagheni kaisei mae te mala fadoglidi najafragna re, mae igne kaisei mae fameomekro.

Proveb 13:1

Sua te lalase na fanomho ka nodi cheke idogna kmagnare kate fadoglini na. Nu sua te maku jateula thina teu phaꞌugna na tirogna fanomho.

Proveb 15:11

Lord na filo lamna ka namonodi naikno tela lehehira. Eghuteuna mana jaola tangomana te filo lamna ka thiꞌagna naikno na.

Proveb 15:9

Lord na theome magnahagheni puhigna mae te diꞌa na. Nu mana namhadi iheire te leghuni puhi te doglo na.

Proveb 23:35

Eghuteuna iagho ginauna na cheke eghu, “Jau mare puri ghau iara, nu iara theome fnera. Jau mare magri ghau iara, nu iara theome haimini.” Eghuteuna iagho ginauna cheke eghu, “Iara magnahaghei dofra mala ke drangai.”

Proveb 5:12

Eghuteuna iagho ginauna cheke eghu, “Iara thono fameomekro fara! Naugna iara neke tirogu leghuni puhi te doglo na, nei tiroguni mae te mala fadogli ghau na!

Profet Jeremaea 2:17

Ghotilo faꞌeiꞌei puhi ne thoke ghami themi. Kate batu ghami iara ka puhi te doglo na, ghotilo tiromi leghu ghau iara nomi God.

Profet Esikiel 33:9

Jame iagho la chekehi ka mae te diꞌa puhigna na igne mala ke tughu mana puhigna te diꞌa na, nu te theome koko kolho mana puhigna te diꞌa na teuna, mana ginauna lehe ka nakhibogna thegna. Nu iagho ginauna theo nakhibomu ka puhi igne, eghuteuna iagho theome tangomana te lehe na.”

Jone 3:20

Iheire te edi glepo te diꞌare theome magnahagheni u naphae tuana. Mare na theome mei kate phae na naugna ginauna kafe thakle gnafa unha glepo te diꞌa teke edi mare re.

Jone 7:7

Naiknogna nauthoglu igne mare na theome diꞌa tadi ka ghotilo. Nu ka iara na mare diꞌa tadi fara, naugna iara ne cheke thakledi u puhidi mare te diꞌare.