Proveb 15:1 - Buka Blahi Ka Cheke Holo

¹ Thoghei famane cheke ka mae te thono diꞌatagna fara na, mana ginauna ke jemnu soru. Nu jame te cheke faheta fara iagho na, mana ginauna brana salaꞌui.

Proveb 15:1 Iomraidhean Croise

Fapea Samuel 19:43

Eghuteuna maedi Israel igre ne cheke eghu, “Uve, tutuani fara, king igne mae kherami ghotilo, nu ghehati au nomi nolaghi ke tulaomi ghotiloi. Ghehati nabotho vike, nu ghotilo kaisei vike kolho. Eghume king igne nomi ghehati nabotho fata salaꞌuni puhi te nomi themi teu ghotilo igne. Ghaoghatho fakelini si ghotilo. Ghehati ngala teke kulu ghathoni mala ke hata fapuloni mana tekuna!” Nu maedi Juda igre ne cheke faparidi fara maedi Israel gre.

Ululahu Kings 12:7

Mare ne cheke eghu ka mana, “Jame te jateula kaisei mae gloku kolho teu iagho te eni unha te toreni mare na, mare ginauna na loku ranghi nigho iagho eghuteuna mare na kelitadi te leghu nigho fabrahu na.”

Fapea Kronikols 10:7

Eghuteuna mare ne cheke eghu ka mana, “Jame te keli fara iagho ka mare na, eghuteuna iagho edi unha te toredi mare teuna, mare ginauna loku ranghi nigho iagho eghuteuna kelitadi te leghu nigho fabrahu na.”

Thoutonu Eigna Mae Job 41:3

Jame tangomana te lolhoku iagho na, ba, iagho gaoghathomu na naꞌa ginauna tore nigho iagho mala snakre tei ni? Ba, iagho gaoghathomu na naꞌa ginauna tanhi ka iagho mala kokhoni ni iagho?

Proveb 10:12

Te theo namha na, faꞌeiꞌei puhi biꞌo. Nu namha na hata kokodi nakhibo fateote'o.

Proveb 15:18

Mae te ghosei te diꞌatagna na, mana faꞌeiꞌei puhi. Nu mae te thoghei te taegoni naikno na, naiknore na au ka pharikeli.

Proveb 25:15

Te thoghei te famane cheke eghuteuna theome ghosei me diꞌatamu iagho teuna, iagho tangomana te figri nagnafagna mae biꞌo te tirogna fanomho ka nou cheke iagho na, neubane maku jateula thina neu.

Proveb 28:25

Mae te khiri fara na mala vuhai faripholai. Nu mae te rouronu ka Lord na ginauna au ka nakarha te keli.

Proveb 29:22

Mae te ghosei te diꞌatagna na, mala fufunu faripholai, puhigna mana na fodu fabrahu ka nakhibo.

Proveb 29:8

Ihei te cheke fadiꞌadi koba keha naiknore tangomana te eni puhi biꞌo ka namono na. Nu ihei te autagna gaoghatho te keli na tangomana te fabeatani nagnafagna naikno te diꞌatagna na.

Mae Khuru 19:41

Ke leghugna te cheke te gnafa na, mae sekretri gna namono na ne chekedi naiknore mala ke pulo ka sugadire.