Proveb 14:6 - Buka Blahi Ka Cheke Holo

⁶ Mae te patugama na hiro gaoghatho te keli, nu theome tangomana te hata na. Nu mae te autagna gaoghatho te keli na, theome gloku biꞌo te hata glalase na.

Proveb 14:6 Iomraidhean Croise

Nodi Khoje Hatimare Mae Jiu 119:18

Fasnaglini nagnafagu gne mala filo glanidi iara thofno chekemu iagho te au ka vetula na igre.

Proveb 1:5

Buka igne ginauna toghoni mae ihei te lalase fara mala biꞌo salaꞌui mana nogna glalase na. Eghuteuna mana ginauna farirhiudi iheire te au tadi gaoghatho te keli mala leghuni mare nabrou te keli na.

Proveb 14:5

Mae te filo tathagna na, mana theome tangomana te chaichaghi na. Nu mae te theome filo tathagna na, mana tangomana te chaghi kolho na.

Proveb 14:7

Iagho au fadelei ka naikno te fameomekro tuana, naugna iagho ginauna na theome filoni kaisei glepo te keli ka mana.

Proveb 15:12

Mae te maku jateula thina teu phaꞌugna na tirogna fanomho ka mae te lalase na. Naugna mana theome magnahaghei te fanomho ka farirhiu na.

Proveb 17:16

Theome keli te foli skul fi ka mae te theome autagna gaoghatho te keli na, naugna mana ne tirogna hiohiro.

Proveb 17:24

Mae te lalase na, hironi gaoghatho te keli na. Nu mae te fameomekro na hiro thua nafnata gaoghatho heva heva.

Proveb 18:2

Naikno te fameomekro na theome magnahagheni gaoghatho te keli na. Nu magnahagheni kolho te cheke fajiflani unha te ghathoni thegna na.

Proveb 24:7

Naikno te fameomekro na theome tangomana te laseni gaoghatho te keli nei glalase teuna. Mana theome tangomana te cheke fakeli ka nodi faidu mae biꞌore.

Proveb 26:12

Jame kaisei mae chekeni ne lalase fara eghu, tahati ninhigrana ranghi ghita te toghoni mana te mala lasedi gobigna lepore. Nu jame kaisei mae fameomekro magnahaghei lalase, tahati tangomana te toghoni mana te mala lasedi gobigna lepore.

Proveb 8:8

Cheke te gnafa te chekedi iara igre thofno doglo fara, iara theome tangomana te chekeni cheke te theome doglo na.

Proveb 8:9

Gaoghathogna cheke igne thofno glola fara ka ihei te autagna gaoghatho te keli nei lalase teuna, eghuteuna mana laseni nogu cheke iara igne thofno doglo fara.

Profet Isaia 8:20

Ghotilo fanomho fakeli ka nogna cheke Lord teke farirhiu ghami ghotilo ra. Iheire te theome leghudi farirhiu igre na, mare jateula ihei te au ke lamna gromnora eghu kolho.

Profet Jeremaea 8:9

Nomi mae glalase ghotilo re ginauna mamaja nodi fara na theome leghuni nodi nabrou te doglo na, naugna mare la tirodinihi chekegna Lord na. Nodi glalase mare igne theome keli na theome toghodi mare.

Ululahu Korin 8:2

Ihei te cheke eghu na, “Iara lasedi fara gobigna lepore” teuna, naikno tuana theome thofno laseniu kolho puhi glalase na.

Jemes 1:5

Nu ihei te theo nogna gaoghatho te keli na, toreni God. Naugna God ginauna na gleale'a te tufa fabiꞌo ranghini mana gaoghatho te keli na. Eghuteuna God ginauna na theome fafuafuna ka mae ihei te tore ka mana na.