Proveb 14:31 - Buka Blahi Ka Cheke Holo

³¹ Mae te fakokhoanani naikno te kuma na, mana theome ghatho tahuni Lord mae ihei teke vuavuhani naikno na. Nu mae te keli ranghini naikno te kuma na, mana ghatho tahuni Lord.

Proveb 14:31 Iomraidhean Croise

Thoutonu Eigna Mae Job 24:4

Mare theome snakredi naikno te kuma mala thosei nolo ka nabrou. Eghume, naikno te kuma igre rikha porudi iheire te maꞌedi.

Nodi Khoje Hatimare Mae Jiu 12:5

Nu God ne cheke eghu, “Iara ginauna mei, naugna naikno te diꞌa gre ne goigonidi naikno te kuma gre ne au kokhonidi nei tanhi neu. Iara ginauna na tusu ranghidi u nablagna te magnahagheni fara mare na.”

Proveb 14:21

Mae te sukuni kheragna fofodu na, mana tapla jafra ka nakhibo. Nu mae te kokhoni ni naikno te kuma na, mana kelitagna fara.

Proveb 17:5

Jame te cheke faparini iagho naikno te kuma na, iagho cheke faparini God mae ihei teke vuavuhani naikno na. Jame te gleale'a iagho ka puhi biꞌo te thokeni keha mae na, iagho ginauna au papara.

Proveb 19:17

Kate namhani nei toghoni teu iagho naikno te kuma na, Lord ginauna taba nigho eidi unha teke edi iagho re.

Proveb 22:16

Kaisei mae chaghini mae te kuma na mala tangomana mana te dedei na, eghuteuna keha mae na tufa namha ka mae te dedei na, phei mae igre ginauna na kafe kuma.

Proveb 22:2

Neubane mae dedei ba ne mae kuma, phiamare kaisei nanabau kolho. Lord neke vuavuhadi phiamare gnafa.

Proveb 28:8

Keha naiknore dedei fara ka puhi te diꞌa kate foli mare intres biꞌo ka kaoni. Nu dedei igne ginauna tei ka khamegna mae ihei te keli ranghidi iheire te kuma.

Eklesiasti 5:8

Thosei jaglo nou kate filodi mae biꞌo te fakokhoanadi iheire te kuma, ba fatedi ka puhi te theome doglo, ba theome snakredi mala au kau pharikeli. Mae biꞌo igre theome ghatho tahudi naikno te kuma igre, naugna mare au ke paridi nodi nolaghi mae iheire te funei frunidi. Keha mae biꞌo igre jaola edi kmana nafnata puhi te diꞌa igre, naugna mare jaola au ke paridi nodi nolaghi mae iheire te funei frunidire.

Levitikas 25:17

Ghotilo thosei chaichaghi fari themi. Nu ghotilo mala ghatho tahu ghau iara naugna iara Lord, nomi God ghotilo.”

Levitikas 25:35

“Jame kaisei kheramu thono kuma fara eghuteuna mana thono theome au kaisei glepo te mala reireghini thegna na, te eghu na, ghotilo mala reireghini nei toghoni eghu mana jateula puhi te reireghidi nei toghodi teu ghotilo naikno phosa te au balumi ghotilo are eghu.

Jone 12:8

Naikno te kuma gre au fabrahu agne balumi ghotilo mala toghodi, eghuteuna iara gne theome au fabrahu agne balumi ghotilo.”

Diutronomi 24:14

“Jame kaisei nomi mae gloku ghotilo kuma fara, neuba ne kherami, ba mae phosa te au ka nomi namono ghotilo na, ghotilo thosei chaghini mana.

Ululahu Jone 4:21

Mae ihei te namhani God na mana jaola namhani mae kheragna fofodu na. Vetula igne teke tusu ranghi ghita mae Kraes na.