Proveb 14:30 - Buka Blahi Ka Cheke Holo

³⁰ Ihei te blagna nagnafagna na, mana karha thinigna. Ihei te goghotu ka nagnafagna na, mana ginauna fogra.

Proveb 14:30 Iomraidhean Croise

Ululahu Kings 21:6

Eghuteuna mana ne cheke eghu ka naꞌa, “Iara neke toreni mae Nebot mala foli nogna nagare mana na neku, ba jame te magnahaghei mana na, iara tangomana te snakre lao ka mana keha nagare. Nu unha te chekeni mana ka iara na, mana theome tangomana te snakreni ka iara na.”

Thoutonu Eigna Mae Job 5:2

Puhi te diꞌanagnafa na ginauna faleheni mae te fameomekro na. Eghuteuna gaoghatho goghotu na ginauna faleheni ihei te theome lalase na.

Nodi Khoje Hatimare Mae Jiu 112:10

Kate filoni naikno te diꞌare puhigna mae te doglo igne na, mare na thono diꞌa tadi fara. Mare na theome magnahagheni mae igne, nu mare theo nafudi kolho eghu. Uve, unha te magnahagheni naikno te diꞌare, theome tangomana kegra haghe ba te loku fakeli na.

Nodi Khoje Hatimare Mae Jiu 119:80

Jame te keli na iara leghuni fara nou vetula iagho na mala theome tangomana iara te mamaja na.

Proveb 12:4

Gaꞌase te famane puhigna na, jateula nogna nafnakno eghu khetogna na. Nu puhigna naꞌa te diꞌa na, jateula fogra biꞌo eghu ka khetogna na.

Proveb 15:13

Tathagna nei foflogna teu mae te gleale'a na, ginauna famane maꞌe muhi fara. Nu mae te diꞌanagnafa na, ginauna diꞌa fara.

Proveb 17:22

Nakarhagna mae te gleale'a na, thofno keli fara. Nakarhagna mae te diꞌanagnafa na, thono diꞌa fara.

Proveb 3:8

Jame te eghu iagho na, iagho ginauna keli karhamu, nei haimini te snagla gaoghathomu na.

Proveb 4:23

Saghe leghu fakelini nagnafamu na, eigna nakarhamu iagho na jifla mei jare.

Profet Habaku 3:16

Iara nomhidi gobigna lepo teke edi iagho igre ne thono bobolo nogu fara balu mhaghu ne fififri foflogu na. Ghahegu nei khamegu teure kafe glaꞌe soru theome tangomana te kegra haghe na. Nu te laseni iara na, iagho Lord ginauna mei mala paradi iheire te mei goigoni ghami ghehati igre. Eghume iara au kmu ofoniu narane igne.

Mae Khuru 7:9

“Thugna mana igre neke goghotuni mae Josep, mae Josep gne kaisei mae ka hatimare nabotho phei mae kuꞌeda tahati igre. Eghume mare neke snakreni mae Josep ka keha naiknodi delei mala foli mare hata teini Ijep. Nu God neke au balugna mae Josep,

Letas Teke Riso Tei Mae Pol Ka Khiloau Rom 1:29

Mare fodu ka puhi te diꞌa, eghuteuna mare magnahaghei te hata glepo maladi thedi kolho, eghuteuna mare thono lalamadi fara naiknore. Mare fodu ka goghotu, falehe naikno, magra, saosagro, ghaoghatho fadiꞌani koba ihei, nei cheke pouporuni ihei.

Fapea Timoti 1:7

Eigna Tharunga te Blahi teke tusu mei God ka tahati igne theome mala mhaghudi tahati keha naiknore, nu mala heta tahati nei mala namhadi eghu tahati, nei mala tangomana tahati te sagheleghu ghita theda.

Jemes 4:5

Unha te chekeni ka grioriso te blahi na ia thofno tutuani fara eigna God neke snakre meini mae Tharunga te Blahi na ka tahati mala au ke lamnada tahati na thofno magnahaghe ghita tahati te mala leghuni kolho mana. Nu neuba ngau, keha ka ghotilo leghuni gaoghathogna naikno kolho. Nu God tusu ranghi ghami ghotilo nogna thotogho na, mala tangomana ghotilo te hogri nagnafa na. Naugna igne, grioriso te blahi na thofno tutuani fara te chekeni igne, “God theome magnahagheni ihei te fahaehaghe na. Nu toghoni ihei te nhaꞌa faparini thegna na.”