Proveb 14:3 - Buka Blahi Ka Cheke Holo

³ Nogna cheke mae te fameomekro na jateula grojo eghu mala fada faleheni thegna ka tathadi naiknore. Nu nogna cheke mae te autagna gaoghatho te keli na toghoni thegna mala au fakeli.

Proveb 14:3 Iomraidhean Croise

Thoutonu Eigna Mae Job 5:21

God ginauna fakarhi nigho ka mae iheire te mala goigoni nigho teu te chaghi nigho are. Iagho thosei mhaghu, eigna mana ginauna fakarhi nigho kate thoke mei puhi biꞌo ka iagho na.

Nodi Khoje Hatimare Mae Jiu 12:3

God, fofotho sagho foflodi naikno te cheke famaemahe koba are, nei fofotho foflodi naikno te cheke fahaehaghe te cheke eghu are,

Nodi Khoje Hatimare Mae Jiu 31:18

Fofotho foflodi mae te patugama igre sagho, eigna mare lase cheke fahahage nei cheke fadiꞌadi mae te doglore igre neu. Nu mare mae lase cheke chaichaghi kolho eghu.

Nodi Khoje Hatimare Mae Jiu 57:4

Uve, naikno diꞌa igre kegra faligoho ghau iara jateula lion te tarabana teu te mala ghamudi naikno ra eghu. Kheꞌidire fnonu fara jateula goru nei jata eghu, eghuteuna glapidire thono fnonu fara jateula naflahi mala magra eghu.

Proveb 12:6

Chekegna mae te diꞌa na, jateula mae te poru te tarabana mala aknu falehe naikno teura eghu. Nu chekegna mae te doglo na, fakarhidi mare.

Proveb 13:3

Mae te ghaoghatho te cheke nga na, mana ginauna na karha. Nu mae te theome ghaoghatho te cheke nga na, mana ginauna lehe.

Proveb 14:4

Mae te theo nogna buluka na, mana na theo gano. Nu mae te au nogna buluka na, ginauna au nogna famane nagare.

Proveb 18:6

Nogna cheke mae te fameomekro na mala faripholai ka keha mae na. Eghuteuna kate nomhini mare nogna cheke manare, mare magnahaghei te magrini mana.

Proveb 18:7

Nogna cheke mae te fameomekro na, goigonini thegna. Eigna nogna cheke mana igre jateula phighoro eghu malagna thegna.

Proveb 21:24

Mae te fahaehaghe fara nei cheke fadiꞌadi naiknore teu igne, nanghagna na, “Phaꞌu boto.”

Proveb 22:8

Mae te joꞌu glepo te diꞌa na, mana dokha puhi biꞌo. Puhigna mana te diꞌa igne, ginauna ari theo nafugna.

Proveb 28:25

Mae te khiri fara na mala vuhai faripholai. Nu mae te rouronu ka Lord na ginauna au ka nakarha te keli.

Profet Daniel 7:20

Eghuteuna iara jaola magnahaghei te lasedi nabotho hona te au ka phaꞌugna glepo igne. Eghuteuna hona ikoi te kotu haghe leghui igne mei ne hata koko thilo hona teke kulu au igre. Hona igne au phei tathagna nei au foflogna eghu, eghuteuna foflogna na thofno cheke fahaehaghe fara. Eghuteuna naꞌa cheke fahaehagheni thegna jateula naikno eghu. Iara thono mhaghu nogu fara kate filoni hona ikoi igne.

Fapea Pita 2:18

Mare fahaehaghedi fara eidi nodi cheke te theo nafudire. Mare batudi keha naiknore mala eni unha te diꞌa na ka thinidire. Ka puhi igre mare korho fapulodi naikno teke funu rikha kokodihi puhi te diꞌare.

Thakle 12:11

Hatimare mae kherada ka khiloau gne neke tapla sorunihi mana naugna Lam na neke thofa dadaragna na neke lehe. Hatimare jaola neke tapla soruni mana naugna mare neke toutonuni ni u cheke te tutuani na. Mare theome mhaghu mala lehe malagna God nu mare neke snakre lao nakarhadire ranghini mana.

Thakle 3:10

Ghotilo jaola leghuni nogu farirhiu iara te mala kegra heta fabrahu ghotilo ka nomi fatutuani na. Eghume, iara na togho ghami ghotilo mala fatutuani ghau iara fabrahu, neuba nogu mae naoka iara re ne fariuriu goigonidi nodi fatutuani naikno te gnafa ka nauthoglu igne.

Ululahu Samuel 2:3

“Ghotilo iheire te cheke fahaehaghe ra, ghotilo koko puhi tuare, ghotilo mala au kmu. Lord na kaisei God mae ihei te lasedi gobigna lepo fateote'o, eghuteuna mana fatedi puhidi naiknore.