Proveb 14:29 - Buka Blahi Ka Cheke Holo

²⁹ Mae te theome ghosei te diꞌatagna na, mana lalase fara. Mae te ghosei te diꞌatagna na, mana fameomekro fara.

Proveb 14:29 Iomraidhean Croise

Proveb 14:17

Mae te ghosei te diꞌatagna na, mana tangomana te eni puhi te fameomekro na. Eghuteuna naiknore tirodini mae te ghaoghaho eigna puhi te diꞌa na.

Proveb 14:28

Mae te baubatu ka naikno te kmana na, mana fnakno nanghagna na. Mae te baubatu ka phei ba thilo naikno kolho na, igne theo nafugna kolho.

Proveb 15:18

Mae te ghosei te diꞌatagna na, mana faꞌeiꞌei puhi. Nu mae te thoghei te taegoni naikno na, naiknore na au ka pharikeli.

Proveb 16:32

Mae te theome ghosei te diꞌatagna na, mana nheta salaꞌuni mae soldia te nheta fara na. Mae te saghe leghuni diꞌatagna na, mana keli fara salaꞌuni mae ihei te magra heta te uluni kaisei namono biꞌo na.

Proveb 17:27

Mae te theome raꞌe cheke na, mana autagna gaoghatho te keli na. Mae te au kmu kolho na, mana lalase.

Proveb 19:11

Mae te autagna gaoghatho te keli na, mana theome tangomana te ghosei te diꞌatagna na. Eghuteuna mana theome ghathoni najafra teke eni keha mae na ranghini mana na.

Proveb 25:28

Iagho theome tangomana te saghe leghu nigho themu kate diꞌatamu na, te eghu iagho na, iagho jateula kaisei namono te theome bara te ligoho ka thina ia eghu.

Proveb 25:8

Kate filoni iagho glepo te diꞌa na, iagho thosei faghose tei ka fate mala cheke fajiflani glepo igne. Glahu keha mae na chekeni ne jafra iagho teuna, eghuteuna iagho ginauna na mamaja nou.

Proveb 4:8

Ghatho tahuni gaoghatho te keli na, eghuteuna naiknore ginauna fafnakno nigho, loku famaku tagna eghuteuna mare ginauna ghatho tahu nigho.

Eklesiasti 10:6

Leuleghu fata na hatimare mae funei gre tusu lao gloku te keli ka mae te theome autadi gaoghatho te keli nei lalase teu gre, nu mare tusu lao gloku te theome keli ka mae biꞌo te fnakno nanghadi re.

Eklesiasti 7:8

Jame kaisei mae eni fahui nogna gloku na, mana tangomana te glealeꞌa na uluni narane teke fufunu gna nogna gloku na. Jame nagnafamu iagho na theome ghosei diꞌatagna, igne keli fara uluni te fahaehaghe fara iagho na.

Eklesiasti 7:9

Theome keli te ghosei te diꞌatamu iagho na. Naugna tuana nogna puhi mae te fameomekro.

Naba 12:3

Uve, mae Moses gne kaisei mae nhaꞌa faparini thegna. Theo kaisei naikno ka nauthoglu gne te tangomana nhaꞌa faparini thegna jateula mana teuna.

Matiu 11:29

Ghotilo mei mala leghuni nogu vetula iara gne, eghuteuna iara ginauna farirhiu ghami ghotilo, naugna iara mae au kmu nei nhaꞌa fapari ghau thegu. Eghuteuna ghotilo ginauna na ludeni vido mala gnafa na.

Matiu 2:16

Kate laseni mae Herod te chaghini maedi ke maghati gre, mana ne diꞌatagna fara. Aonu, mana ne chekedi nogna mae soldiare mala tei mala falehe gnafa goro mae sua nalhaꞌu te au ka namono Betlehem, nei ka nohi te au faligohoni Jerusalem. Mana neke cheke mala kafe falehedi goro mae sua nalhaꞌu te funu ka phei finogha nei teke karhala. Mae Herod ne eni igne, naugna leghuni unha teke chekeni maedi ke maghatire kau narane teke thaklegna u nathunu na.

Jemes 1:19

Kheraguro, ghaoghatho fakeli ghotilo ia. Te keli na ghotilo kulu fanomho fakeli ghu ame funu cheke nga nei diꞌatami nga eghu ka keha naiknore.