Proveb 14:28 - Buka Blahi Ka Cheke Holo

²⁸ Mae te baubatu ka naikno te kmana na, mana fnakno nanghagna na. Mae te baubatu ka phei ba thilo naikno kolho na, igne theo nafugna kolho.

Proveb 14:28 Iomraidhean Croise

Fapea Samuel 19:7

Gognarona iagho tei farerheta nagnafadi nou mae soldia ra. Iara cheke kate tutuani ke ulugna Lord. Jame te theome eni iagho igne na, bongi na mare ginauna na kafe tei koko nigho iagho. Eghuteuna puhi biꞌo ginauna thoke nigho iagho. Puhi igne ginauna biꞌo fara salaꞌudi keha puhi te gnafa teke thafodi iagho ka nakarhamu tifa ra.”

Fapea Samuel 24:3

Nu mae Joab ne cheke eghu ka mana, “King, iara magnahagheni nou Lord God iagho na te fabruaradi mala kmana nei vuragha eghu mae soldia igre, mala tei salaꞌuni mare naba gognarogne. Eghuteuna iara magnahaghei nigho iagho nogu king, nei nogu funei, te mala filoni glepo igne. Nu iara magnahaghei te ghusnani kaisei glepo kolho ka iagho: naugna unha sagho te magnahaghei kaha naikno gnea?”

Ululahu Kings 20:27

King Ehab jaola ne kiloni nogna armi na, eghuteuna mare ne tarabana nodi gobigna lepore mala tei magra ka armi gna Siria. Aonu mare tei ne au rhegna vido te au teu armi gna Siria igne. Eghuteuna armi gna Israel na ne tei namo ka armigna Siria. Eghuteuna armi gna Israel na ikoi fara jateula phei tothoghei nanigot eghu kolho. Nu armi gna Siria igne fodu fara ka vido te gnafa ke kosi namono Afek.

Fapea Kings 13:7

Ka narane tuare, King Jehoahas theome au nogna kmana soldia te mala magra na, naugna mae king gna Siria igne neke goigonidi nei falehedi neku mare. Mana au glimafulu soldia kolho te mala saghe ka hose na, eghuteuna nabotho chariot, nei nabotho thogha soldia.

Eksodas 1:12

Nu neuba, naiknodi Israel igre, kmana fara ne salaꞌui nei rheta eghu heva heva ka kantri Ijep. Naugna igne, naikno te gnafa te au ke lamnagna kantri Ijep ne thofno theome magnahaghedi nei mhaghu nodi fara ka mare.

Eksodas 1:22

Aonu king ne cheke faheta ka nogna naiknore, ne cheke eghu, “Jame kaisei gaꞌase Hibru karha kaisei thugna nalhaꞌu, ghotilo koko lao sua tuana ka Khoꞌu biꞌo Nael mala lehe, nu snakredi sua gaꞌase te gnafa re mala karhau.”

Proveb 14:27

Puhi te ghatho tahuni Lord igne jateula khoꞌu te tusu lao karha ka naikno ra eghu.

Proveb 14:29

Mae te theome ghosei te diꞌatagna na, mana lalase fara. Mae te ghosei te diꞌatagna na, mana fameomekro fara.

Profet Jeremaea 13:20

Ghotilo naikno te au ka namono biꞌo Jerusalem! Filo ghotilo ia! Gognarona nomi naoka ghotilore la mei funudi ke raru! Ghotilo fahaehaghedi fara namono biꞌo teke tusu ari God ka ghotilo te au ka kantri Juda, mala reireghi fakelidi ghotilo jateula sipu eghu neku. Nu ahevau si namono biꞌo tura?