Proveb 14:27 - Buka Blahi Ka Cheke Holo

²⁷ Puhi te ghatho tahuni Lord igne jateula khoꞌu te tusu lao karha ka naikno ra eghu.

Proveb 14:27 Iomraidhean Croise

Nodi Khoje Hatimare Mae Jiu 18:5

U glehe na loku famaku ghau iara jateula phighoro eghu mala hata tei ghau iara kau gluma.

Proveb 10:27

Ihei te ghatho tahuni Lord na, ginauna au raugha ka nauthoglu igne. Nu nakarhagna naikno te diꞌa na, ginauna na theome au raugha.

Proveb 13:14

Nogna farirhiu mae te autagna gaoghatho te keli na tangomana te fakarhini naikno na kau glehe.

Proveb 14:26

Mae te ghatho tahuni Lord na, mana au vido keli mala poru, eghuteuna thugna manare ginauna jaola au fakeli.

Proveb 14:28

Mae te baubatu ka naikno te kmana na, mana fnakno nanghagna na. Mae te baubatu ka phei ba thilo naikno kolho na, igne theo nafugna kolho.

Proveb 19:23

Ghatho tahuni Lord, iagho ginauna karha. Eghuteuna iagho ginauna au fakeli fabrahu, eghuteuna theo kaisei glepo te diꞌa nate mei goigoni nigho na.

Proveb 22:5

Nakarhagna mae te diꞌa na jateula nabrou te thafru ka phono nei phighoro teuia eghu. Nu mae te reireghi fakelini nakarhagna na, au fakhaba ka nafnata nabrou igne.

Eklesiasti 7:26

Unha te filoni iara na igne, kaisei glepo te haimini iara te diꞌanagnafani iara na uluni glehe na, nafnata gaꞌase te jateula kaisei phighoro teu igne, eghuteuna khamegna na tangomana te loku famaku ka iagho jateula kaisei chen eghu. Ihei te leghuni God na tangomana te rikha na, nu naikno te diꞌa na ginauna khale ka phighoro.

Profet Isaia 33:6

Lord ginauna jateula thina rheta eghu, mala theome tangomana ghotilo te uka pari na. Puhi teke fakarhi ghami nei tusu ranghi ghami gaoghatho te keli nei glalase teu mana igne, tuana jateula taba biꞌo eghu te hata ghotilo ka Lord na, kate ghatho tahuni ghotilo Lord na.

Thakle 21:6

Mana ne cheke eghu ka iara, “Uve, gognaro na iara funei frunidi gobigna lepore naugna iara ne tapla sorudi nogu naoka re. Iara kulu au neke vuavuha nga gobigna lepo igre nei iara na au fabrahu kate ari te gnafadi gobigna lepore. Jame ihei te magnahaghei karha te tifa na, iara ginauna snakreni mana mala koꞌu kolho ka glokha khoꞌu te tusu mei karha na.