Proveb 14:23 - Buka Blahi Ka Cheke Holo

²³ Te loku heta iagho na, iagho ginauna hata glepo te keli. Nu te cheke kolho iagho na, iagho ginauna kuma.

Proveb 14:23 Iomraidhean Croise

Thoutonu Eigna Mae Job 28:10

Kate dokha khora te mala ei nabrou te tei lamna thina na, mare thafodi kmana famane thina.

Proveb 10:10

Naikno te kaflo gehe na tangomana te edi kmana puhi te diꞌa. Eghuteuna naikno te fameomekro na, ginauna goigoni nakarha gna na.

Proveb 12:24

Mae ihei te loku heta na, mana ginauna kaisei mae mala baubatu. Nu mae ihei te thodo fara na, mana mala kaisei mae gloku kolho.

Proveb 14:22

Mae te ghaoghaho eigna puhi te diꞌa na, ginauna ari jafra. Nu naiknore rouronuni nei ghatho tahuni eghu mae te eni gaoghatho te keli na.

Proveb 14:24

Te lalase iagho na, iagho ginauna dedei. Nu te fameomekro iagho na, naiknore ginauna laseni te fameomekro.

Proveb 28:19

Ihei te loku heta ka nagare na, ginauna au ghegna kmana gano. Nu ihei te theome eni kaisei gloku na, mana ginauna kuma fabrahu.

Eklesiasti 3:9

Unha glepo te keli gne nate hata tahati ka nakmusa te edi tahati igre? Theo kolho.

Eklesiasti 5:3

Kate nanganou fara na, iagho ginauna filodi kmana mifi te diꞌa. Eghuteuna kate cheke te brahu na iagho ginauna na tharuma cheke jateula kaisei mae te fameomekro eghu.

Jone 6:27

U gano gna nauthoglu igne ghosei boto nei diꞌa eghu. Thosei loku eigna u nafnata gano tuana. Nu loku eigna u gano te au fabrahu te tusu ranghi ghami ghotilo u karha fei tifa na. Iara mae teke mei funu ka God na ginauna tusu ari ka ghotilo u gano tuana. Naugna God Mama na la falalasehi te namha ghau iara na.”

Ululahu Timoti 5:13

Jaola thau majaghani teke lehe khetodire igre ginauna fiti au kolho nei leuleghu suga tafri kolho. Eghuteuna nafnata puhi te eni rehati igne ginauna thono diꞌa fara, eigna rehati ginauna funu vuavuha chekedi keha naiknore, eghuteuna na farugusidi thedi ka nakarhadi keha naiknore. Jaola rehati chekedi koba glepo te theome naba te mala chekedire.