Proveb 14:22 - Buka Blahi Ka Cheke Holo

²² Mae te ghaoghaho eigna puhi te diꞌa na, ginauna ari jafra. Nu naiknore rouronuni nei ghatho tahuni eghu mae te eni gaoghatho te keli na.

Proveb 14:22 Iomraidhean Croise

Jenesis 24:27

ne cheke eghu, “Iara magnahaghei te cheke fakelini nanghagna Lord, nogna God nogu mae funei iara Ebraham. Iagho ne kokhoni ni fabrahu nogu mae funei iara na ne eni fabrahu unha teke chekeni iagho ka mana na. Lord, iagho batu ghau iara doglo ne mei ka sugadi vikegna nogu mae funei iara na.”

Fapea Kronikols 6:8

Eghuteuna Lord neke cheke eghu ka mana, ‘Thofno keli fara te magnahaghei horo iagho kaisei Sugablahi te mala tufru soru ghau iara na,

Nodi Khoje Hatimare Mae Jiu 25:10

God na tutuani ranghidi nei namhadi eghu koba naikno te leghudi nogna nhaꞌa cheke nei nogna vetula teure.

Nodi Khoje Hatimare Mae Jiu 36:4

Kate thuru teu ka sape na, mana hironi kolho nabrou te mala eni puhi te diꞌa na. Mana leghuni kolho nabrou te diꞌa na, nei mana theome tangomana te figri tagruni puhi te diꞌa na.

Nodi Khoje Hatimare Mae Jiu 61:7

God, iagho tangomana te snakreni mana te mala funei fruni fabrahu ke ulumu iagho. Lord, tore nigho mala bara fothini mana! Naugna te laseni iara na iagho namhani mana nei tajini fabrahu eghu nou nhaꞌa cheke na.

Proveb 12:2

Lord na kelitagna fara te toghoni mae te leghuni puhi te doglo na. Nu parani mae te ghaoghatho te mala eni puhi te diꞌa na ka keha naiknore.

Proveb 12:26

Mae te doglo na ginauna batuni kheragna na. Nu mae te diꞌa puhigna na, ginauna batu fajafradi naiknore.

Proveb 14:17

Mae te ghosei te diꞌatagna na, mana tangomana te eni puhi te fameomekro na. Eghuteuna naiknore tirodini mae te ghaoghaho eigna puhi te diꞌa na.

Proveb 14:23

Te loku heta iagho na, iagho ginauna hata glepo te keli. Nu te cheke kolho iagho na, iagho ginauna kuma.

Proveb 19:22

Naiknore magnahaghedi keha naiknore te mala thofno leghuni unha teke nhaꞌa cheke ni na. Tutuani, jame te mae keli mae te kuma na, mana ginauna uluni mae te chaichaghi na.

Proveb 24:8

Mae ihei te ghathoni fabrahu puhi te diꞌa na, mare kiloni mae igne kaisei mae glalama.

Proveb 3:29

Thosei goigonini kheramu fofodu te au rhemui na, naugna mana rouronu kolho ka iagho.

Proveb 3:3

Thosei koko puhi te namhadi naiknore eghuteuna keli ranghidi fabrahu. Fakakhana ka nakarhamu na jateula kaisei babaꞌo eghu tathaji ka nagnafamu na.

Proveb 6:14

Mare ghathodi thua nafnata puhi te mala eni glepo te diꞌa na, eghuteuna edi puhi biꞌo ka vido te kmana re.

Profet Maeka 2:1

Kokhoni ghami fara ghotilo iheire te edi unha gaoghatho te diꞌa kate thuru teu ka sape na! Eghuteuna hamerane na, ghotilo edi fabrahu nomi gaoghatho te diꞌa tuare, theo kaisei naikno te lhoti ghami ghotilo na.

Matiu 5:7

Keli tadi iheire te namhadi nei lolokelidi teu keha naiknore. Naugna God ginauna jaola nake namhadi nei lolokelidi eghu mare.

Jone 1:17

God neke tusu lao vetula na ka mae Moses. Nu khokofakasai ghe tutuani re neke mei balugna mae Jisas Kraes.

Josua 2:14

Aonu phei mae igre ne cheke eghu ka naꞌa, “Snakreni Lord mala falehe ghami ghepa jame te theome leghuni ghepa nhaꞌa cheke igne. Eghuteuna jame te theome chekeni iagho ka ihei nga eigna glepo te eni ghepa igne na, ghepa ginauna na theome eni kaisei glepo te diꞌa ka ghotilo. Eghuteuna kate snakreni Lord kantri igne ka ghehati na, ghehati ginauna keli ranghi nigho iagho baludi iheire fateo ka tharaknamu iagho igne.”