Proveb 14:21 - Buka Blahi Ka Cheke Holo

²¹ Mae te sukuni kheragna fofodu na, mana tapla jafra ka nakhibo. Nu mae te kokhoni ni naikno te kuma na, mana kelitagna fara.

Proveb 14:21 Iomraidhean Croise

Nodi Khoje Hatimare Mae Jiu 112:5

Ihei te eni bisnis ka puhi te doglo na, nei snakreni kaoni na ka keha naiknore teuna, mae igne keli tagna fara.

Nodi Khoje Hatimare Mae Jiu 112:9

Mana tangomana te toghodi iheire te kuma, aonu puhigna mana te keli igre ginauna au fabrahu. Naiknore ginauna ghatho tahuni mana.

Nodi Khoje Hatimare Mae Jiu 22:24

Mana theome tangomana te ghatho ihodi figri tagrudi teu iheire te kuma, ba iheire te au papara. Nu mana tangomana te cheke tughudi unha te toredi mare ka mana re.”

Proveb 11:12

Ihei te fameomekro na, cheke fadiꞌadi naiknore. Nu ihei te au tagna gaoghatho te keli na, mana au kmu.

Proveb 14:31

Mae te fakokhoanani naikno te kuma na, mana theome ghatho tahuni Lord mae ihei teke vuavuhani naikno na. Nu mae te keli ranghini naikno te kuma na, mana ghatho tahuni Lord.

Proveb 17:5

Jame te cheke faparini iagho naikno te kuma na, iagho cheke faparini God mae ihei teke vuavuhani naikno na. Jame te gleale'a iagho ka puhi biꞌo te thokeni keha mae na, iagho ginauna au papara.

Proveb 18:3

Nakhibo na mei ului, eghuteuna mamaja na mei ke leghu. Famamaja ikno na mei ului, eghuteuna haimi mamaja na mei ke leghu.

Proveb 19:17

Kate namhani nei toghoni teu iagho naikno te kuma na, Lord ginauna taba nigho eidi unha teke edi iagho re.

Proveb 21:10

Mae te diꞌa na magnahagheni fara puhi te diꞌa na, mana theome keli ranghini kheragna fofodu na.

Proveb 22:9

Mae te tufa gano ka mae te kuma na, ginauna kelitagna fara.

Proveb 28:27

Ihei te toghoni naikno te kuma na, ginauna na theome kmoꞌe ka kaisei glepo. Nu ihei te theome toghodi naikno te kuma na, mare ginauna cheke fadiꞌa ni mana.

Proveb 28:8

Keha naiknore dedei fara ka puhi te diꞌa kate foli mare intres biꞌo ka kaoni. Nu dedei igne ginauna tei ka khamegna mae ihei te keli ranghidi iheire te kuma.

Profet Daniel 4:27

Eghume king, iagho te leghu fakelidi nogu cheke iara igre. Iagho thosei ke edi puhi te diꞌa teke edi iagho ra. Iagho kokhonidi iheire te kuma nei eni ranghidi unha puhi te doglo. Jame te eghu iagho na, iagho ginauna na au fakeli eghuteuna unha te edi iaghore ginauna na thofno keli fara.”

Luku 18:9

Mae Jisas jaola ne chekeni kaisei cheke naba ranghidi naikno ne thono au doglohi thedi teu te filo faparidi keha naikno te gnafare. Mae Jisas ne cheke eghu,

Mae Khuru 20:35

Ka nogu gloku te gnafare, iara falalase ka ghotilo unha jame te edi koba tahati te mala toghodi iheire te nigra. Eghume tahati thosei ghatho ihoni u chekegna noda Lord Jisas, teke cheke eghu mana ia, ‘Mae ihei te tuatufa na, mana keli tagna fara ke tulaogna mae ihei te hata glepo malagna thegna kolho.’  ”

Diutronomi 15:9

Ghotilo thosei au gaoghatho te diꞌa nei tiromi te tusu lao kaoni ka ihei nga eghu naugna fafitu finogha te mala ghiha koko kaoni na la namohi. Ghotilo thosei snakreni gaoghatho ghamu nhoto tuana mala tiromi toghoni kherami te au ka puhi biꞌo na. Naugna jame te theome toghoni ghotilo mana na, mana ginauna tanhi lao ka Lord, eghuteuna Lord ginauna ghathoni te ghotilo nabami te au papara eigna igne.

Hibru 6:12

Ghehati theome magnahaghei ghami ghotilo te thodo, nu ghehati magnahaghei ghami ghotilo mala jateula iheire teke fatutuani ni God nei ofo balu rouronu. Mare ginauna na athini unha God teke nhaꞌa cheke ranghidi.