Proveb 14:18 - Buka Blahi Ka Cheke Holo

¹⁸ Mae te theome lalase na, mana hata gaoghatho fameomekro. Nu naikno te au tagna gaoghatho te keli na, hata glalase.

Proveb 14:18 Iomraidhean Croise

Proveb 14:17

Mae te ghosei te diꞌatagna na, mana tangomana te eni puhi te fameomekro na. Eghuteuna naiknore tirodini mae te ghaoghaho eigna puhi te diꞌa na.

Proveb 14:19

Mae te diꞌa na ginauna pogho soru ke ulugna mae te doglo na. Eghuteuna mae te diꞌa igne ginauna toreni mae te doglo na mala toghoni.

Proveb 3:35

Naikno te au tagna gaoghatho te keli na ginauna fnakno nanghagna na. Nu naikno te fameomekro na ginauna fnakno ka nangha te diꞌa.

Profet Jeremaea 16:19

Lord, iagho jateula nogu vido te keli mala poru eghu iara. Kate thoke mei hoholo biꞌo ka iara na, iagho reireghi ghau nei tusu ranghi ghau nolaghi. Naikno ka vido te gnafa ka nauthoglu igne ginauna mei cheke eghu ka iagho, “Kuꞌemi ghehati tifa ra neke pogho soru kolho ka tharumaꞌei mumuju te theome toghodi mare.

Profet Jeremaea 44:17

Ghehati ginauna edi gobigna lepo igre jateula teke chekedihi ghehati ra eghu. Ghehati ginauna gahu insens nei tarai eghu ka god gaꞌase Kuin gna Kligna igne. Eghuteuna ghehati ginauna tofa waen fabrahu ka naꞌa, jateula teke edi kuꞌemi, nomi king, nei nomi mae mala baubatura. Mare neke edi glepo igre ka namono te gnafa agne Juda nei Jerusalem. Ka narane tuare tahati neke au gheda kmana gano neke au fakeli noda neke theome thoke ghita kaisei puhi biꞌo.

Profet Daniel 12:3

Eghuteuna iheire te au tadi glalase te mala toghodi keha naiknore te mala leghuni puhigna God te doglo na igre ginauna siasigla fabrahu jateula nathunu ka maloa na are eghu.”

Fapea Timoti 4:8

Eghuteuna gognaro na u taba te mala uluni iara na la kulu auhi. Uve, ka narane leghu lahu na Lord mae ihei te tangomana te mala fatedi naiknore ka puhi te doglo na, mana ginauna cheke eghu ka iara, “Iagho kaisei mae te doglo ke ulugu iara. Igne nou taba iagho na.” Eghuteuna mana ginauna na theome eni igne ka iara kolho, nu jaola ranghidi naikno te gnafa te ofoni teu ke pulo meigna mana na.

Ululahu Pita 1:18

Ghotilo laseni igne, tifa na ghotilo neke au ka nakarha te theo nafugna. Ghotilo neke hata u nafnata nakarha te diꞌa igne leghudi mae ku'emi tifa ra. Nu God neke fakarhi ghami ghotilo. Mana neke foli fapulo ghami ghotilo eidi nakarha te diꞌa teke edi ghotilo re. Mana neke theome foli fapulo ghami ka glepo tangomana te boto, jateula silva ba gol.

Ululahu Pita 5:4

Eghuteuna kate thakle mei Kraes na, mae pha'ugna greireghi sipu na, mana ginauna na tusu ranghi ghami ghotilo taba biꞌo te siasigla fabrahu tifa te tifa.